हामी सबैकाे संसारन्यूज

३० चैत, काठमाण्डौं । बहराइनमा कोरोना संक्रमित नेपालीको संख्या २२ जना पुगेको छ । मन्मास्थित नेपाली दूतावासका अनुसार क्वारेन्टाइनमा राखिएका नेपालीको परीक्षण गर्दा पोजेटिभ देखिएको हो ।

राजदूत पदम सुन्दासले केही समय अगाडि सल्मावादस्थित एक क्याम्पमा एक जना विदेशी कामदारमा संक्रमण देखिए पश्चात त्यहाँ कार्यरत ४०० जनालाई क्वारेन्टाइनमा राखिएकामा १० नेपालीमा संक्रमण पुष्टि भएको बताए । यअसघि क्याम्पमा भएका ९ नोपलीको रिर्पोट पोजेटिभ आएको थियो । तीनजना भने अन्य क्याम्पमा बस्ने नेपाली थिए । राजदूत सुन्दासका अनुसार उनीहरुको स्वास्थ्य स्थिर छ ।
त्यसैगरी नेपाली सहित आप्रवासी कामदार रहेको कुवेतको जलिप अलसुययोक र माबुल्ला क्षेत्रमा अप्रिल ४ देखि २६ सम्म लकडाउनमा परेका नेपाली कामदारले खाद्यान्न किन्न समस्या पर्न थालेको बताएको आइतबारको कान्तिपुर दैनिकमा समाचार छ ।

पाँच वर्षदेखि सेफ रहेका संखुवासभाका खकुरा किरातलाई रोजगारदाताले निष्कासन गरिसकेको छ । ‘जब कोरोना भाइरस कुवेतमा देखा पर्यो हाम्रो रेष्टुरेण्ट बन्द भयो । आर्र्थिक अवस्था धरासायी भएको भन्दै कम्पनीले ३९ जनालाई टर्मिनेट गरिदियो । कामबिहीन भएको २५ दिन पुग्यो’ माबुल्लामा परिवारसहित बस्दै आएका उनले फोनमा बताए । ‘मार्च महिनाको तलब पनि प्राप्त भएको छैन । कम्पनीले चेक लिन आउ भन्छ चेक लिन कुवेत सिटी जानुपर्छ । म बसेको ठाउँ लकडाउन छ । दैनिक जीवन विताउनै गाह्रो परिसक्यो ।’

इटहरीका सोनाम राइको पनि त्यस्तै पीडा छ । कफि बनाउने कामका लागि कुवेत पुगेका उनले काम नगरेको डेढ महिना भइसकेको छ । उनीसहित तीन नेपाली साल्मिया भन्ने ठाउँमा कोठा लिएर बसेका छन् । कोठाभाडा १४७ दिनार ९झण्डै ४७ हजार रुपैयाँ० बुझाउनु पर्छ खानाको जोहो आफैले गर्नुपर्छ । ‘कम्पनीले एक महिनाको तलब त दियो । यसैले धानिरहेको छु । अहिलेसम्म कम्पनीले हेरिरहेको छ । सधैभरी यस्तै भइरह्यो भने कम्पनीले पालेर राख्न सक्तैन । तलब हालिदिएन भने बिजोग हुन्छ ।’ उनले भने, ‘बेलैमा कुरा गरिदिओस् भनेर दैनिक ७–८ पटक फोन गर्छु दूतावासमा । तर फोन उठ्दैन ।’

मबुल्ला र जिलिपमा बाक्लो बस्ति छ । अधिकांश कम्पनीले आफ्ना कामदारलाई यहि क्षेत्रमा राखेका छन् । कुवेतको स्वास्थ्य मन्त्रालयका अनुसार यो क्षेत्रमा बस्ने कामदार कोरोना भाइरस संक्रमणको जोखिममा परेपछि लकडाउन गरिएको छ । पछिल्ले समयमा स्वास्थ्य परीक्षणमा पोजिटिभ देखिएका केस यहि क्षेत्रमा कार्यरत नेपाली सहित आप्रवासी कामदार छन् । कुवेतमा बिहिबारमात्रै थप एक नेपालीसहित ५५ जनामा पोजेटिभ देखिएको थियो । कुवेतमा संक्रमित नेपालीको संख्या ४ पुगेको छ ।