हामी सबैकाे संसारन्यूज

३० चैत, दिल्ली । कोरोना भाइरस रोकथाम तथा नियन्त्रणका लागि भारत सरकारले लकडाउन गरेसँगै भारतभरी रहेका नेपाली नागरिकहरु आर्थिक संकटमा परेका छन् ।

आर्थिकरुपमा कमजोर अबस्था भएकाहरुकाको यतिबेला बिहान साझ चुलो बाल्न पनि मुश्किल भएको अबस्था छ । दिल्ली ओखला साइनबाग एरियामा बस्ने झन्डै एक हजार नेपाली परिवारको अबस्था यतिबेला दयनीय छ ।

साहिनवागमा एनआरसी लगायत मुद्दाको आन्दोलनपछि त्यहाँ नोकरी गर्ने नेपाली समुदायलाई मालिकहरूले काम गरेको पैसा समेत दिएका छैनन् । तीन–चार महिनादेखी अहिलेसम्म बंदी जीवन बिताउन परेको अबस्था छ ।

यी समस्यालाई लिएर सरकार, नेपाली दूतावास, संघसंस्था बुद्धिजीवी लगायतसँग पटक–पटक छलफल गरिए पनि त्यहाँको समस्या हल हुन सकेको छैन । हजारौ नेपाली समुदायहरूको अवस्था साइन बाग आन्दोलन तथा कोरोना भाइरसपछि झन दयनीय बनेको छ ।
निजामुद्दीन घटनासँगै साइन बाग एरियामा नेपाली समुदायले काम गर्ने केहि मालिकका परिवार, काम गर्ने घर वरिपरि कोरिना भाइरसको संक्रमणको डरसँगै झनै चिन्ताजक अबस्था आइपरेको छ ।

त्यहाँ बस्ने नेपालीहरू नेपाल जान सक्ने अबस्था नभएको र आफू बस्ने एरिया पनि सुरक्षित नभएकोले उनीहरु पीडामा परेका हुन् । किनकी, कोरोना संक्रमण भएको क्षेत्र घरको नजिक नै छ । यहाँ बस्ने नेपाली नागरिकहरूको समस्या खान बस्न, स्वास्थ परिक्षणको मात्र होइन अहिलेको समस्या भनेको कोरिनाविरुद्ध कसरी लड्ने तथा पाँच महीना काम गरेको पैसा मालिकबाट कसरी निकाल्ने भन्ने चिन्तामा छन् । साथै अब साझ बिहान कसरी गाँस जोड़ने र नेपाल कसरी जान सकिन्छ भन्ने नै मुख्य समस्या छ उनीहरुमा ।

शनिबार अखिल भारत नेपाली एकता मंचका युवा नेता आरबी खड्काको नेतृत्वमा बिशेष सहयोगी दाताहरू अलइंडिया यूनियन टैक्सी एसोसिएशन भारतका अध्यक्ष संजय सम्राट लगायत उनको एसोसिएशन परिवार, सूपा देउराली टूर एण्ड ट्राभल्स नईदिल्लीका तुलाराम शर्मा शोभाखर पन्थी, कृष्णा पौडेल, पर्बत समाज अंतरराष्ट्रिय सल्लाहकार दुबईका गोपी चन्द भुसाल, शिबपूरी धाम प्रवासी समूह कोषाध्यक्ष भारत नई दिल्ली, छबि लाल भट्टराई, देवी प्रसाद काफले सोनीपत, अखिल भारत नेपाली एकता मंचका नेता मानु श्रेष्ठ, अर्जुन दयाल, सङ्कर शर्मा, दिपक परियार, ऋतु लिम्बु, तूल बहादुर परिवार अटल, भरत परिवार लगायत सबैको सहयोगमा दिल्लीको ओखला साइन बाग जाकिर नगर जामिया, न्यू फ्रेंडस कोलनी गोविन्दपूरी एरियामा झन्डै नेपाली नागरिक गरीब मुस्लिम परिवार सहित ६४३ घर परिवारमा घर–घर पुगी खाना राहत समानहरू उपलब्ध गराइएको थियो ।

उक्त एरियामा ओखला साइन बागमा केहि स्थानमा सुरक्षा ब्यबस्था कडा भएकोले केहि स्थानमा पुग्न सक्ने अबस्था नरहेको बताइएको छ । उक्त एरियामा नेपाल अछाम ,बाजूरा, बझांग, कैलाली, डडेल्धुरा,बैतड़ी, तनहुँ, चितवनलगायतका नागरिकको बसोबास रहेको छ ।