हामी सबैकाे संसारन्यूज

१ वैशाख, काठमाडौँ । नेपाल कम्युनिष्ट पार्टी(नेकपा)का अध्यक्ष पुष्पकमल दाहाल ‘प्रचण्ड’ले वनको बाघले होइन, मनको बाघले खानेमा चिन्ता गर्नु नपर्ने बताएका छन् ।

काठमाडौँबाट प्रसारित एक टेलिभिजनसँगको विशेष अन्तरवार्तामा उनले अहिलेको विपद् र महामारीसँग लड्न राष्ट्रिय सहमति र समझदारी जरुरी भएकोमा पुनः जोड दिएका छन् ।

अहिले सामान्व अवस्था नरहेको र भोलि कुन संकट पर्ने हो निश्चित नभएको अवस्थामा विपत्तिसँग लड्ने, सहमति बनाउने र पारदर्शिताको अपनत्व लिने क्रममा पनि दलहरु बीच सहमति र समझदारी आवश्यक भएको उनले बताएका हुन् ।

‘यस्तो सहमति र समझदारीका लागि बन्ने संयन्त्र प्रधानमन्त्रीकै नेतृत्वमा बनाउने भनेको हो, यसले सरकारको संरचनामा कुने प्रभाव पु¥याउने शंका गर्नुपर्दैन’, उनले भनेका छन् ।

सर्वदलीय संयन्त्रका बारेमा पार्टी अध्यक्ष केपी ओली र तपाई बीच मतभेद भएको हो ? भन्ने प्रश्नमा उनले भनेका छन् ‘हामीमा त्यस्तो मतभेद छैन, मैले उहाँलाई लागेको कुरा भनेको हुँ । प्रधानमन्त्री हुनुहुन्छ । म आशावादी छु । तर म भएको भए यस्तो सयन्त्र बनाउन लागि हाल्थेँ । पार्टीमा अरु विषयमा फरक मत हुन सक्छन् तर ती विषय अहिले बोल्ने बेला होइन ।’

सरकारका कमजोरीको समिक्षाका बारे सोधिएको अर्को प्रश्नमा प्रचण्डले भनेका छन् ‘सरकारले मुलभूत रुपमा ठिकै गरेको छ । जनस्तरमा उठेका सवालहरु बारे प्रधानमन्त्री स्वयम्ले छानविन गर्छु भन्नु भएकोले यो विषय अहिले उठाउनु सान्दर्भिक छैन ।’

नचाहिँदो शंका गरेर हल्ला फैलाउनेहरु प्रति दुःख व्यक्त गर्दै प्राइम टेलिभिजनमा ऋषि धमलासँग उनले तत्काल सरकार परिवर्तनको कुनै गुञ्जायस नरहेको बताउँदै भनेका छन् ‘वनको बाघले भन्दा मनको बाघले खाएको जस्तो देखियो ।