Sansar News
१ बैशाख, बेलायत । बेलायतमा आज पनि कोरोना संक्रमणका कारण एक नेपालीको मृत्यु भएको छ ।
शनिबारमात्रै कोरोनाका कारण स्याङजाका याम बहादुर मल्ल र पोखराकी पुष्पा घलेको मृत्युको पीडा सेलाउन नपाउँदै फेरि बेलायतबासी नेपालीमा अर्को पीडा थपिएको छ ।
सोमबार (१३ अप्रिलमा) कास्कीको घान्द्रुकका ६५ वर्षीय लक्षिन गुरुङ (पूर्व गोर्खा सैनिक जि.आरका आर्मी नं २११६०७३०) को मृत्यु भएको हो ।
घान्द्रुक डब्लुटू नेपाल कपका पूर्ब चर्चित फुटबल खेलाडी समेत रहेका गुरुङ बेलायतको रेडिङमा बस्दै आएका थिए ।
१२ दिनदेखि रेडिङस्थित बक्सायर अस्पतालमा उपचाररत रहेका गुरुङको उपचारका क्रममा आज बिहान निधन भएको हो ।
पछिल्लो केही साता बेलायतमा कोरोना संक्रमणका कारण मृत्यु हुने नेपालीको संख्या बढ्दै गएको छ ।
लिला बहादुर राई, पर्वतका चेत बहादुर गुरुङ र मेख बहादुर गुरुङ, सोलुखुम्बुका शिव श्रेष्ठ, विराटनगरकी बसन्ती राई, म्याग्दीका कुल बहादुर फगामी, चितवनका प्रशान्त अर्याल, बाग्लुङका कर्ण बहादुर क्षेत्री, स्याङजाका यम बहादुर मल्ल र पोखराकी पुष्पा घलेसहित ११ जनाको मृत्यु भएको समाचार संसारन्युजले प्राप्त गरेको छ ।
वि.सं.२०७७ वैशाख १ सोमवार २०:११ मा प्रकाशित
