हामी सबैकाे संसारन्यूज

२ बैशाख, काठमाण्डौं । नेपाल दूरसंचार प्राधिकरणले इन्टरनेट सेवा प्रदायक भायानेट प्रा.लिको ग्राहक प्रणालीमा साइबर हमला भएको बारेमा अत्यन्त जरुरी सूचना जारी गरेको छ ।

प्राधिकरणले भायानेटको ग्राहक प्रणालीमा भएको साइबर हमला गरी सेवाग्राहीहरुको व्य िक्तगत विवरण सार्वजनिक भएको विषयमा प्राधिकरणको गम्भीर ध्यानाकर्षण भएको जनाएको छ ।

भायानेटले तुरुन्त सम्बन्धीत प्रणालीको कमजोरीलाई हटाएको र इन्टरनेट सेवाग्राहीहरुको विवरण सुरक्षित गरिसकेको जानकारी गराएको पनि प्राधिकरणद्धारा जारी सूचनामा बताइएको छ ।

‘साथै उक्त कम्पनीले हमला गर्ने व्यक्तिको खोजी सम्बन्धीत निकायबाट भइरहेको र भविष्यमा यस्तो घटना दोहोरिन नदिने प्रतिबद्धता समेत व्यक्त गरेको छ,’ प्राधिकरणको सूचना भनिएको छ,’ ‘अतः इन्टरनेट सेवाका ग्राहकहरुको विवरण कसैलाई अनाधिकृत रुपमा प्राप्त हनु आएमा त्यस्तो विवरण कुनै पनि माध्यमबाट सार्वजनिक नगर्न÷नगराउन हुन र प्राधिकरणलाई त्यस्तो व्यक्तिका बारेमा तुरुन्त जानकारी गराउन यो सूचना प्रकाशित गरिएको छ ।’