Sansar News
२ बैशाख, काठमाण्डौं । नेपालमा कोरोना संक्रमितको संख्या १६ पुगेको स्वास्थ्य मन्त्रालयले जानकारी दिएको छ ।
मन्त्रालयद्धारा दिइएको जानकारी अनुसार काठमाण्डौको पेप्सीकोला स्थित सनसिटी अर्पाटेमेन्टका तीन मध्ये २ जनामा संक्रमण पोजेटिभ पुष्टि भएको हो । एकजनाको रिर्पोट परीक्षणको क्रममै रहेको बताइएको छ ।
जसमा ५८ वर्षीय पुरुष र ८८ वर्षीया महिला रहेको र उनीहरु २८ दिनअघि बेलायतबाट आएका हुन् । उनीहरुको कन्ट्रयाक ट्रेसिङ सुरु गरिसकिएको पनि बताइएको छ ।
मन्त्रालयका अनुसार हालसम्म र्यापिड र पिसीआरबाट १२ हजार ९१६ जनाको परीक्षण गरिएको छ । साथै यी परीक्षणमा केही ठाउँमा परीक्षण पोजेटिभ आएको र त्यो अपडेट प्रदेशस्तरमा हुने बताइएको छ ।
त्यसैगरी हालसम्म ५ हजार ७७१ जना क्वारेन्टाइनमा रहेको बताइएको छ । हालसम्म आइसोलेसनमा ९९ जना रहेका छन् । जसमा राष्ट्रिय जनस्वास्थ्य अस्पताल टेकुमा १२ जना र बाहिर ८७ जना रहेका छन् ।
नेपालमा कोरोना संक्रमितको संख्या १४ पुग्यो, ७ हजार१६६ जना क्वारेन्टाइनमा
वि.सं.२०७७ वैशाख २ मंगलवार १६:३० मा प्रकाशित
