हामी सबैकाे संसारन्यूज

२ वैशाख, काठमाडौँ । यतिबेला संसारभर कोरोना भाइरस(कोभिड १९)को महामारी बढ्दो छ । केही दिनयता नेपालमा पनि संक्रमितको संख्या बढिरहेको छ । हालसम्म नेपाल कोरोना भाइरसको दोस्रो चरणमै छ । अहिलेसम्म नेपालमा कोरोनाबाट कसैको मृत्यु भएको तथ्याङ्क छैन ।

विश्वमा दैनिक हजारौँ मानिसले ज्यान गुमाइरहेको सन्दर्भमा नेपालले पनि कोभिडा १९ बाट मृत्यु भएका व्यक्तहरुको शव व्यस्थापनका सन्दर्भमा कार्यविधि बनाएको छ । यसबाट मृत्यु हुनेहरुको शबबाट समेत संक्रमण बढ्न सक्ने हुँदा शवको व्यवस्थापन पनि अत्यन्त सावधानीका साथ गर्नुपर्ने हुँदा  अघिल्लो हप्ता बसेको मन्त्री परिषद्को बैठकले ‘कोभिड-१९ का कारण मृत्यु भएका व्यक्तिहरुको शव व्यवस्थापन सम्बन्धि संक्षिप्त कार्यविधि २०७६’ बनाएको छ ।

‘कोभिड १९ का कारण मृत्यु भएका व्यक्तिहरुको शवको संसर्गबाट उक्त रोग अर्को व्यक्तिमा सरेको प्रमाण हालसम्म फेला नपरेपनि शव सदगतको क्रममा देहाय बमोजिम सावधानी अपनाई शव व्यवस्थापन गर्ने कार्य गरिने छ ।’ कार्यविधिमा जनाइएको छ ।

कार्यविधिमा शव लिन जानु पूर्व शवदाहनका चालक तथा कर्मचारीहरुले व्यक्तिगत सुरुक्षा साधान(पिपिए)को प्रयोग गर्नुपर्ने, शवलाई कम भन्दा कम चलाउनु पर्ने, शवको कुनै भागबाट श्राव भइरहेको भए त्यस भागलाई होसियारीपूवर्क बन्द गर्नुपर्ने, शव अन्तिम संस्कार गर्ने स्थलतर्फ लैजान साधारण शवबाहनको प्रयोग गर्न सकिने, शबलाई डिस्इन्फेक्ट भने गर्न आवश्यक नभएको उल्लेख छ ।