Sansar News
१ बैशाख, काठमाण्डौं । नेपालमा कोरोना संक्रमितको संख्या १४ पुगेको छ । स्वास्थ्यमन्त्रालयद्धारा सोमबार आयोजित पत्रकार सम्मेलनमा नेपालमा कोरोना भारसको संक्रमित संख्या १४ पुगेको बताइको हो ।
आज पटक भाइरस संक्रमण देखिएका रौतहट जिल्लाको क्वारेन्टाइनमा रहेका १९ वर्षीय पुरुष र कैलालीकी लम्की चुहास्थित क्वारेन्टाइनमा रहेकी ६५ वर्षीया महिला रहेका छन् ।
सेती प्रादेशिक अस्पतालमा ५, वीरगन्जमा ३, बाग्लुङमा २ र टेकुमा २ जनाको उपचार भइरहेको छ ।
त्यस्तै अहिलेसम्म ५ हजार ६ सय ९१ जनाको परीक्षण गरिएको छ । जसमध्ये २४ घण्टामा ५१९ मा परीक्षण गरिएको पनि स्वास्थ्य मन्त्रालयले जानकारी दिएको छ ।
स्वास्थ्य मन्त्रालयका अनुसार राष्ट्रिय जनस्वास्थ्य प्रयोगशाला टेकुमा ४ हजार ४३२, जनस्वास्थ्य प्रयोगशाला बाहिर १ हजार २५९ जनाको परीक्षण गरिएको हो । जसमध्ये प्रत्येक प्रदेशमा ५ हजारको आरटीडि उपलब्ध गराएसँगै आजसम्म ५२ जिल्लामा आरटीडिमार्फत् कोभिड १९ को परीक्षण गर्ने क्रम सुरु भइसकेको छ । अहिलेसम्म ५ हजार २९१ वटा र को परीक्षण गरिसकेकिएको पनि मन्त्रालयका प्रवक्ता डा. विकास देवकोटाले जानकारी दिएका छन् ।
त्यसैगरी र्यापिड किट र पिसीआर प्रविधिबाट टोटल १० हजार ९८२ परीक्षण गरिएको बताइएको छ ।
त्यस्तै ७ हजार १६६ जना क्वारेन्टाइनमा, आइसोलेसनमा १०३ जना रहेका छन् । जसमध्ये उपत्यकाभित्र ९ जना र उपत्यकाबाहिर ९४ जना रहेका छन् । साथै रेडजोनमा २१९ जना रहेको बताइएको छ ।
वि.सं.२०७७ वैशाख १ सोमवार १६:५२ मा प्रकाशित
