Sansar News
१ वैशाख, २०७७, काठमाडौँ । विश्वभर महामारीमा फैलिरहेको माहामारीको प्रकोप नेपालमा पनि बढ्दै गाएको छ । स्वास्थ्य मन्त्रालयका अनुसार नेपालमा आज थप दुई जनामा कोरोना संक्रमित देखिएको छ ।
राष्ट्रिय प्रयोगशाला परीक्षणमा गरीएको परीक्षणमा थप दुई जनामा कोरोना पुष्टि भएसँगै संक्रमितको संख्या नेपालमा १४ पुगेको मन्त्रालयका प्रवक्ता डा विकास देवकोटाले जानकारी दिएका छन् ।
कैलाली लम्कीको चुवाको क्यारेन्टाइनमा रहेकी एक ६५ वर्षीय महिला र रौतहट जिल्लाको क्यारेन्टाइमा बसेका १९ वर्षीय एक पुरुषमा संक्रमण भएको पुष्टि भएको मन्त्रालयले जानकारी दिएको हो ।
उनीहरुलाई क्वारेन्टाइनबाट उपचारका लागि अस्पताल लगिएको छ ।
शनिबारसम्म ९ वटा संक्रमित रहेकोमा आइतबार ३ जना थपिएको थियो भने सोमबार पुन थप २ जनामा कोरोना संक्रमण भएको पुष्टि भएको हो ।आइतबार मात्र विरंगमा ३ भारतीय नागरिकमा कोरोना संक्रमणको पुष्टि भएको थियो ।
संक्रमित मध्ये १ जना निको भएका छन् भने बाँकीको विभिन्न अस्पतालमा उपचार भैरहेको छ ।
वि.सं.२०७७ वैशाख १ सोमवार १६:३२ मा प्रकाशित
