हामी सबैकाे संसारन्यूज

२ बैशाख, काठमाण्डौं । कतारमा कार्यरत नेपालीहरुलाई त्यहाँका कम्पनीले वासस्थान छोड्न दवाव दिएका छन् ।

नेपाली दूतावास कतारले कोरोना संक्रमणबाट उत्पन्न परिस्थितिमा हाल कतारमा कार्यरत नेपाली कामदारलाई आफू कार्यरत कम्पनीले उपलब्ध गराएको बासस्थान छोड्न दबाब दिने गरेको गुनासो आएको बताएको छ ।

दूतावासले एक सूचना जारी गर्दै दूतावासमा त्यस्ता गुनासा सहित फोन इमेल आउने गरेको बताउँदै त्यस्ता गुनासाहरु कतार सरकारको ःMinistry of Administrative Development, Labour & Social Affairs  को ९२७२७ मा म्यासेज गर्न तथा टेलिफोन नम्बर ४०२८०६६० वा १६००८ मा सम्पर्क गर्न समेत अनुरोध गरेको छ ।

बासस्थानलगायत खाना र तलबका बारेमा परेका गुनासाहरुका लागि कतार सरकारको मन्त्रालयमा म्यासेज गर्दा QID वा Visa Number को अगाडि ५ थपेर पठाउनु पर्ने पनि दूतावासले जानकारी दिएको छ ।

दूतावासका अनुसार कतारमा हालसम्म ५२ हजार ६२२ मा परीक्षण गरेकामा ३ हजार ४२८ जनामा कोरोना भाइरस संक्रमण देखिएको छ । पछिल्लो २४ घण्टामा १९७ जनामा संक्रमण पुष्टि भएको हो ।

जसमा स्वास्थ्यलाभ गरेर घर फर्किएकाको संख्या ३७३ पुगेको छ भने मृतकको संख्या ७ रहेको छ ।