हामी सबैकाे संसारन्यूज

४ वैशाख, काठमाडौँ । नोबेल कोरोना भाइरस अर्थात् (कोभिड १९) को प्रभाव विश्वका प्राय सबै देशमा परेको छ । चीनको हुवेईको वुहान सिटीबाट सुरु भै इटाली, स्पेन र अमेरीकालाई थला पार्दै यो विश्वका २१० देश पुगिसकेको छ ।

२०७७ वैशाख ४ (सन् २०२० अप्रिल १६) बिहान ८.३९ बजेसम्मको प्राप्त समाचार अनुसार संसारका २० लाख ८३ हजार ३ सय ४ मानिसमा कोरोना भाइरस सल्केको छ । भने  कूल मृत्युसंख्या १३४,६१६ रहेकोमा पछिल्लो चौबिस घण्टामा ८०१२ जनाको मृत्यु भएको छ ।

निको भएर घर फर्किएकाहरु संख्याको ५१०,३४१ छ भने उपचाररत बिरामीको संख्या १,४३८,३४७ रहेको छ । जसमध्ये १,३८७,२०५ को अवस्था मध्यम छ भने ५१०,३४१ को स्थिति गम्भिर रहेको छ ।

वल्र्डोमीटरका अनुसार अहिले सबैभन्दा बढी प्रभावित हुनेमा अहिले अमेरिका देखिन्छ । अमेरिकामा मात्रै प्रभावितको संख्या ६४४,०८९ पुगेको छ भने २८,५२९ को मृत्यु भएको छ । अघिल्लो दिनको तुलनामा १२२०३ जना नयाँ संक्रमित थपिएका छन् भने २४८२ जनाको मृत्यु भएको छ ।
मृत्युदरको हिसाबमा अमेरिका सबैभन्दा बढी प्रभावित देश बनेको छ ।  इटालीमा मृत्युदर लगातार घट्दो क्रममा रहेको देखिन्छ । इटालीमा प्रभावितको संख्या १ लाख ६५ हजार १ सय ५५ रहेको छ भने मृत्यु हुनेको संख्या २१६४५ जना रहेको छ ।

कोरोना उत्पत्ति भएको देश चीनमा मंगलबार ४६ नयाँ बिरामी थपिएका छन् । चीनमा प्रभावितको संख्या ८,२३४१ रहेको छ ।

प्रभावका हिसाबले अमेरिका, स्पेन, इटाली, फ्रान्स, जर्मनी, बेलायत अनि चीन क्रमशः छन् भने मृत्यु संख्याको हिसाबले अमेरिका पहिलो(२८,५२९) इटाली दोस्रो(२१,६४५), स्पेन तेसो(१८,८१२), फ्रान्स चौंथो(१७,१६७), बेलायत पाचौँ(१२,८६८), इरान छैठौं(४,७७७), बेल्जियम सातौँ(४,४४०) र चीन आठौँ(३,३४२) क्षति व्यहोर्ने देशमा छन् ।

नेपालमा कोरोना भाइरस अपडेट :
नेपालमा संक्रमितको संख्या नियमित बढेको छ । २४ घण्टामा नेपालमा कुनै नयाँ संक्रमित थपिएका छैनन् । मंगलबार थप दुई जनामा कोरोना भएको पुष्टि भएसँगै नेपालमा संक्रमितको संख्या १६ पुगेको हो । मंगलबारसम्म ६८७१ जनाको परीक्षण भएको छ ।

चीनको वुहान युनिभर्सिटीमा पीएचडी अध्ययनरत ३२ वर्षीय पुरुषमा नेपालमा पहिलोपटक कोरोना पोजिटिभ देखिएको थियो । ती पुरुष निको भएर घर फर्किएसकेका छन् भने हाल १३ जना उपचाररत छन् ।

चैत्र २३ गते कोरोना संक्रमित एक व्यक्तिबाट अर्काेमा सरेपछि नेपाल कोरोना भाइरसको दोस्रो चरणमा प्रवेश गरेको छ । दुबईबाट फर्केका कैलालीका संक्रमित एक युवाबाट उनको भाउजुमा कोरोना भाइरस पोजेटिभ देखिएपछि दोस्रो चरण सुरु भएको हो । युवासँग भेट भएको १२ दिनपछि उनकी भाउजुमा संक्रमण भएको थियो ।

कोरोनाको चरण हेर्दा यसका चार चरण रहेका छन् । व्यक्तिमा सिमित संक्रमण (विदेशबाट फर्केर आएका) पहिलो चरण हो । ट्राभल हिस्ट्री भएको व्यक्तिमार्फत परिवारमा संक्रमण देखिनु दोस्रो चरण मानिन्छ । एउटा समुदायबाट अर्को समुदायमा पैmलनु तेस्रो चरण हो भने महामारीको रुप लिएको अवस्था चौथो चरण हो ।

फ्रान्सबाट कतारको दोहा हुँदै चैत ४ गते नेपाल एक युवतीको चैत्र १० गतेको परीक्षणमा कोरोना संक्रमित भएको पुष्टि भएपछि भोलिपल्ट अर्थात् चैत्र ११ गतेदेखि सरकारले देशभर लकडाउन गरेको थियो । सरकारले ११ गते मंगलवार बिहान ६ बजेदेखि चैत १८ सम्म लागू हुनेगरी गरेको लकडाउन चौंथो हप्तासम्म लम्बाएर आगामी वैशाख १५ गते सम्म पु¥याइएको छ ।

अर्को छिमेकी देश भारतमा संक्रमितको संख्या बढीरहेको छ । आइतबारसम्म १२,३७० जना संक्रमित रहेको र ३९३ जनाको मृत्यु भएको देखिन्छ । २४ घण्टामा २२१२ नयाँ संक्रमित थपिएका छन् भने २९ जना को मृत्यु भएको देखिन्छ ।

यस्तो छ कोरोना भाइरसको अपडेट तथ्याङ्क :