हामी सबैकाे संसारन्यूज

५ बैशाख, काठमाण्डौं । लकडाउनका समयमा हिँडेर स्याङजा र कास्की जिल्लाको नाकामा पर्ने सिद्धार्थ राजमार्ग फेदीखोलाको कुभिन्डे नाकामा पुगेका मजदुरहरुलाई गाउँपालिकाले खाने बस्ने व्यवस्था गरेको छ ।

गाँउपालिका र स्थानीयबासिको सहकार्यमा उक्त कार्यको थालनी गरेको फेदीखोला गाउँपालिकाका अध्यक्ष घनश्याम सुवेदीले बताएका छन् ।
सुवेदीका अनुसार केही दिन अघि क्याटरिङमार्फत् १०० जनाजतिलाई खाना खुवाउने गरिएको भएपनि आजबाट गाउँपालिका र स्थानीयबासीको सहकार्यमा त्यहि खाना बनाएर खुवाउन लागिएको बताए ।

‘उहाँहरु जति जना आएपनि हामीले खाना खुवाउन तयार छौं, बस्नको व्यवस्था पनि छ । तर, मजदुर साथीहरु बस्न मान्नुहुन्छ हिँडेरै अनि भोकै भएपनि घर पुग्ने बताउनुहुन्छ । हामीले राति पर्यो जान सक्नु भएन भने बस्नको लागि व्यवस्था पनि गरेका छौं ।’ अध्यक्ष सुवेदीले संसारन्युजसँग भने ।

उनले उक्त नाकामा हेल्थ डेस्क र सुरक्षा क्षेत्रमा खटिएका सम्पूर्ण मजदुरसँगै दूरी कायम गरेर अभियानमा जुटिरहेको बताएका छन् । ‘सर्केटारी समाजको पहलकदमी प्रती पनि गाउपालिका हार्दिक आभार प्रकट गर्दै धन्यवाद ब्यक्त गर्दछौ ’ अध्यक्षसुवेदीले भनेका छन् ।