हामी सबैकाे संसारन्यूज

५ वैशाख । नेपालमा एकैदिन १४ जना कोरोना भाइरस संक्रमित थपिएको पुष्टि भएको बताइएको छ । योसँगै नेपालमा कोरोनाबाट संक्रमीत हुनेको संख्या ३० पुगेको हो ।

उदयपुरको त्रियुगा नगरपालिका–३, भुल्केस्थित मस्जिदमा रहेका १६ जनामध्ये १२ जनामा कोरोना पुष्टि भएको र ४ जनाको पनि रिपोर्ट आउन बाँकी रहेको जनाइएको छ । कोशी अस्पतालको प्रयोगशालामा पीसीआर परिक्षण गर्दा १२ भारतीयमा कोरोना संक्रमण पोजिटिभ रहेको देखिएको छ । उनीहरुलाई विराटनगर पठाइएको छ भने विराटनगरको कोरोना विशेष अस्प्तालको आइसोलेसनमा राखेर उपचार गरिने बताइएको छ ।

उनीहरुको स्वाब परीक्षणको नतिजा पोजिटिभ आएपछि थप यकिन गर्न नमुनालाई काठमाडौं पठाइएको एक स्थानीयले जानकारी दिएका छन् ।

त्यस्तै चितवनको राप्ती ८ चितवनमा २ जनामा कोरोना संक्रमण पुष्टि भएको बताइएको छ । चितवनमा कोरोना संक्रमण देखिएका दुईजना केही दिन अघि बेलायतबाट आएको बताइको छ ।