Sansar News
६ बैशाख, काठमाण्डौं । विश्वव्यापी कोरोना भाइरस महामारीका कारण चालु आर्थिक वर्षमा नेपालको रेमिट्यान्स आय करिब १० प्रतिशत घट्ने देखिएको छ ।
नेपाली श्रमिकको रोजगार गन्तव्य मुलुकमा गरिएको लकडाउनका कारण बैदेशिक रोजगारीमा रहेका लाखौं नेपाली कामदार उच्च जोखिममा छन् । थुप्रै मुलुकले श्रमिक कटौतीको नीतिसमेत लिइरहेका छन् । यसबाट नेपालको रेमिट्यान्स आय दुई अंकको दरमै घट्ने देखिएको बिज्ञहरु बताउँछन् ।
नेपाल आर्थिक पत्रकारले शुक्रबार गरेको भिडियो कन्फरेन्समा राष्ट्र बैंकका कार्यकारी निर्देशक एवं प्रवक्ता गुणाकर भट्टले भने, ‘कोरोनाको कारण धेरैले मुलुकले श्रमिक कटौती गरेका छन् । यसकारण वैदेशिक रोजगारीमा गएका नेपाली कामदार पनि श्रमिक कटौतीमा परेका छन् । यसले नेपाल भित्रने रेमिट्यानस १० प्रतिशत घट्न सक्छ ।’ शनिबारको कान्तिपुर दैनिकमा समाचार छ ।
गत आवमा नेपालपमा ८ खर्ब ७९ अबै रुपैयाँ रेमिट्यान्स भित्रिएको थियो । तर, यो वर्ष ८ खर्ब पनि रेमिट्यान्स भित्रन नसक्ने केन्द्रीय बैंकको अनुमान छ ।
वि.सं.२०७७ वैशाख ६ शनिवार ०८:४७ मा प्रकाशित
