Sansar News
६ वैशाख, काठमाडौं । नेपाल क्रेडिट एण्ड कमर्श (एनसीसी) बैंकले नेपाल सरकारले स्थापना गरेको कोरोना भाइरस संक्रमण रोकथाम, नियन्त्रण तथा उपचार कोषमा रु.१ करोड रुपैयाँ प्रदान गरेको छ ।
शुक्रबार बैंकले संघीय सरकारले स्थापना गरेको कोषमा ६५ लाख रुपैंयाँ जम्मा गरिदिएको छ भने प्रदेश सरकारले स्थापना गरेको कोषहरुमा रु.५÷५ लाख रुपैंयाँ प्रदान गरेको छ ।
बैंकले प्रदेश १ का मुख्य मन्त्री शेरधन राई, प्रदेश नं. २ का मुख्य मन्त्री लाल बाबु राउत, बागमती प्रदेशका मुख्य मन्त्री डोरमणी पौडेल, गण्डकी प्रदेशका मुख्य मन्त्री पृथ्वीसुब्बा गुरुङ, प्रदेश नं. ५ का मुख्य मन्त्री शंकर पोख्रेल, कर्णाली प्रदेशका मुख्य मन्त्री महेन्द्र बहादुर शाही, सुदुर पश्चिम प्रदेशका मुख्य मन्त्री त्रिलोचन भट्टलाई उक्त रकम वरावरको चेक बैंकका प्रतिनिधिहरु मार्फत प्रदान गरिएकोे हो ।
बैंकले विगतमा पनि संस्थागत सामाजिक उत्तरदायित्व अन्तर्गत यसरी सहयोग प्रदान गर्दै आएको छ र यसवाट कोरोना भाइरस संक्रमणको माहामारी रोक्न, नियन्त्रण तथा संक्रमितहरुको उपचारमा मद्दत पुग्ने विश्वास बैंकले गरेको छ । यस विषम परिस्थितिमा लकडाउनको पूर्ण पालना गरी सुरक्षित रहन बैंकले सबैमा अनुरोध पनि गरेको छ ।
वि.सं.२०७७ वैशाख ६ शनिवार १३:४० मा प्रकाशित
