हामी सबैकाे संसारन्यूज

६ वैशाख, काठमाडौं । बैंक अफ काठमाण्डूका प्रमुख कार्यकारी अधिकृत शोभन देव पन्तले सरकारले स्थापना गरेको कोरोना भाइरस संक्रमण रोकथाम, नियन्त्रण तथा उपचार कोषमा ५ लाख ५१ हजार ४ सय १३ रुपैंया ९४ पैसा ब्यक्तिगत रुपमा नगद जम्मा गरेका छन । शुक्रबार राहातकोषको खातामा सो रकम जम्मा गरेको प्रधानमन्त्री तथा मन्त्रीपरिषद कार्यालयले जनाएको छ । त्यस्तै बैंक अफ काठमाण्डूले ६५ लाख रुपैंयाँ राहातकोष्मा जम्मा गरेको छ ।

प्रधानमन्त्री कार्यालयका अनुसार सानीमा बैंकले पनि प्रधानमन्त्री राहातकोषमा रकम जम्मा गरेको छ । उसले पनि कोषमा ६५ लाख नगद जम्मा गरेको छ भने बैंकका कर्मचारिहरुको तर्फबाट पनि ३३ लाख ४८ हजार २ सय ६९ रुपैयाँ ८८ पैसा जम्मा गरेका छन ।

सानीमा बैंकका प्रमुख कार्यकारी अधिकृत भुवनकुमार दाहाल बाणीज्य बैकहरुको छाता संगठन नेपाल बैकर्स संघका अध्यक्ष हुन ।

यो संगै शुक्रबारसम्म राहात कोषमा २ अर्ब ७ करोड ४६ लाख ३८ हजार ९ सय ८० रुपैंयाँ ९४ पैसा जम्मा भएको छ ।