Sansar News
८ वैशाख । विदेशमा बस्ने नेपालीहरुको संस्था गैरआवासीय नेपाली संघ(एनआरएनए) आइसीसीको कृषि प्रबर्धन समिति अन्तर्गतको मुना कृषि लिमिटेडले काठमाडौँको बसुन्धारामा ‘कृषि बजार’ सेवा सुरु गरेको छ ।
एनआरएनएको कृषि प्रबर्धन समिति, राष्ट्रिय कृषक समूह महासंघ, बागमति प्रदेश सरकार र काठमाण्डौ महानगरपालिका समेतको सहकार्यमा एनआरएनए अन्तर्गतको मुना कृषि लिमिटेडले परिक्षणकालिन सेनिटाईजरेसन कृषि वस्तुहरु बिक्रि गर्ने काम सुरु गरेको हो ।
काठमाडौँको बसुन्धरास्थित यति इभेण्ट पार्टी प्यालेसमा सुरु गरिएको कृषि बजारको आइतबार काठमाठौँ महानगरपालिका उपमेयर हरिप्रभा खड्गीले तरकारी खरिद गरि औपचारिक शुरुवात गरेकी थिइन् ।
मुना कृषि लिमिटेडको ‘हाम्रो कोशिष’ परियोजनाले कृषि बजारको सुरुवात गरेको मुना कृषि लिमिटेडका अध्यक्ष युवराज गुरुङले जानकारी दिए । उनका अनुसार ‘हाम्रो कोशिष’ परियोजनाले भाइरसमुक्त Sanitized & Packaged फलफूल तथा तरकारीलाई सेवामूलक ढंगबाट सरल मुल्यमा उपभोक्तामाझ पु¥याउन कृषि बस्तूहरुको बजार सुरु गरिएको हो ।
विश्वव्यापि संकटको यो समयमा किसानको उत्पादन उत्पादित क्षेत्रमै खेर गैरहेको र लकडाउनमा परेका नागरिकले सहज र सुरक्षित तबरले उपभोग गर्न नपाएको अबस्थामा नागरिकलाई सेवा पु¥याउने उद्देश्यले परिक्षणकालिन रुपमा कृषि बजारको सुरुवात गरिएको मुनाका एनआरएनए आइसीसीको कृषि प्रबर्धन समितिका उपाध्यक्ष कपिलदेव थापाले बताए ।
आज सोमबार बिहान ८ बजेदेखि बेलुका ६ बलेसम्म बिक्रीवितरणका लागि खुल्ला गरिएको छ । यो आकस्मिक भएपनि संस्थाको मुख्य उद्देश्य यहि नै रहेकाले आगामी दिनमा यसलाई निरन्तरता दिइने थापाले बताए । यसरी नै अन्य विभिन्न ठाउँहरुबाट पनि सेवा दिने गरी कृषि बजार सुरु गरिने समेत उनले बताए ।
सो अवसरमा खाद्य गुणस्तर विभागका पूर्व महानिर्देशक जीवनप्रभा लामा, काठमाडौ उपत्यका कृषि ज्ञानकेन्द्र प्रमुख निर्मल गदाल, महानगर कृषि विभाग प्रमुख हरि भण्डारी, पत्रकार, स्थानीय लगायत बोर्ड डाइरेक्टरहरुको उपस्थिति रहेको थियो ।
वि.सं.२०७७ वैशाख ८ सोमवार ०९:५४ मा प्रकाशित
