हामी सबैकाे संसारन्यूज

९ वैशाख, काठमाडौँ । नेपाल काँग्रेसका युवा नेता ऋषिकेश जंग शाहले कोरोना भाइरस रोकथामका लागि सरकारले देशभर लकडाउन गरेका कारण समस्यामा परेका सल्यानीहरुलाई सघाउने कार्यमा खटेका छन् ।

काठमाडौँमा रहेर देशका विभिन्न ठाउँमा समस्यामा परेका सल्यानीहरुलाई बस्न खानको व्यवस्था गर्नुका साथै उनीहरुलाई घर फर्किनसमेत बसको व्यवस्था गरिएको उनले जानकारी उनले सामाजिक सञ्जाल फेसबुकमार्फत दिएका छन् ।
उनले लेखेका छन् :

आदरणीय साथीहरू,
नमस्कार !

गोजीमा, रुपैया छैन तर जसरी पनि सहयोग गर्नुछ ।

देश संकटमा छ । जनता संकटमा छन् । यसै सिलसिलामा सल्यान जिल्लाबाट राजधानी लगायत अन्य जिल्लासम्म मजदुरी गर्न आएका करिब २०० जना दाजुभाई दीदी बहिनीहरू (नुवाकोट बेलकोट, सिन्धुपालचोकको बाह्रबिसे, काठमाण्डू भक्तपूर र ललितपूरका विभिन्न ठाऊमा समस्यामा भएको खबर पाएपछि बिभिन्न किसिमले धेरै पक्षसंग कुरा गरेँ । म उहाँहरूलाई निःशुल्क आफनो घर सम्म पुग्ने अबस्था होस भनेर कोशिश गरीरहेको छू ।
कुनै पनि हालतमा हामी सबै मिलेर उहाँहरूलाई सहयोग गर्नुपर्छ भन्ने अनुरोध गर्द्छु ।

यो सिलसिलामा मैले माननीय मन्त्रीद्वय वर्षमान पुन र शक्ती बस्नेत ज्यू संग कुरा गरे । उहाँहरूले गाड़ी ब्यबस्था गर्नुस प्रशासनिक सहयोग हामी गरौला भन्नु भयो । मैले यो समस्या बारे नेपाली कांग्रेसका महामन्त्री पूर्ण बहादुर खड़का र सहमहामन्त्री प्रकाशशरण महत र पार्टी सभापति ज्यू का स्वकिय सचिब भानु देऊवाज्यूसंग पनि कुरा गरे । दांगको रास्ट्रीय अनुसन्धानका एस पी टेकराज तीमील्सिना संग कुरा गरे । सीडीयो ग़ोबिन्द रिजालले पनि सहयोगको बचन दिनु भएको छ ।
सल्यान शारदा न.पा.का मेयर सुरेश अधिकारी र त्रिवेणी गाऊँपालिका अध्यक्ष मान बहादुर दाँगी संग पनि कुरा गरेको छु ।

काठमाण्डूमा बसको समस्या भएकोले दांगको बस समितिका सचिब नारायण न्यूपानेजीसंग अनुरोध गरेर दांगबाट

(१) ना ४ ख ८१८२
(२) ना ५ ख ६९५०
(३) रा १ ख २१४५
(४) ना ५ ख २९४९

नम्बरका ४ वटा बसहरू दांगबाट काठमाण्डूको लागी रमाना भईसकेका छन । दांगबाट बिचमा पर्ने कपिलबस्तु बूटवल, सुनवल, गैडाकोट, नारायणघाट देखी काठमाण्डू सम्मका ।
यो सानो समस्या समाधानको लागी मैले साथीहरूलाई सहयोगको लागी अनुरोध गरे ।

त्यस्तै पोखरामा पनि १८ जना सल्यानी भाईहरू अप्ठेरोमा रहेछन । ऊनीहरूलाई पनि गृह जिल्ला सम्म पुर्याउने व्यवस्था गर्ने कोशिशमा छु । पोखरामा पनि सहयोगको अपेक्षा प्रकट गरे ।

मलाई यो अभियानमा सल्यानी युवा ब्यबसायी कल्पदीप राईले ५०,००० नगद सहयोग गर्ने बचन दीनु भएको छ ।
अप्ठेरोमा सहयोग गर्ने मन भए अगाडि आउन अनुरोध छ ।