Sansar News
९ वैशाख, काठमाडौँ । सुदूरपश्चिमका पहिलो कोरोना संक्रमित अमृत शाही स्वास्थ्यलाभ गरी घर फर्किएका छन् ।
सेती प्रादेशिक अस्पतालमा उपचाररत धनगढी उपमहानगरपालिका–५ का ३४ वर्षीय शाही मंगलबार साँझ सञ्चो भएर घर फर्किएका हुन् ।
उनी चैत १४ गते कोरोना पुष्टि भएपछि अस्पताल भर्ना भएका थिए। दुबईबाट आएका उनी चैत ११ गते सेती प्रादेशिक अस्पताल धनगढीमा भर्ना भएका थिए। लगातार दोस्रो रिपोर्ट नेगेटिभ आएपछि उनलाई डिस्चार्ज गरिएको अस्पतालले जानकारी दिएको छ । यसअघि तीनपटक परीक्षण गर्दासम्म पोजिटिभ देखिएको भए पनि चौथो पटकदेखि नेगेटिभ रिपोर्ट आएको हो।
वि.सं.२०७७ वैशाख ९ मंगलवार १९:०१ मा प्रकाशित
