हामी सबैकाे संसारन्यूज

९ वैशाख, काठमाडौं । चिनबाट स्वास्थ्य सामाग्री ल्याउन नेपाली सेनाले सम्झौता गरेको छ । करिब २ अर्ब २५ करोड मूल्य बराबरको सम्झौता गरेको नेपाली सेनाले जनाएको छ ।

सेनाले आज गरेको भर्चुअल पत्रकार सम्मेलनमा सैनिक प्रबक्ता विज्ञानदेव पाण्डेले ८४ लाख ४१ हजार सात सय ६ दशमलब ३५ अमेरिकी डलर बराबरको सामाग्री ल्याउन लागेको जानकारी दिए । यो करीब २ अर्ब २५ करोड रुपैंयाँ बराबर हुन्छ ।

सेनाका अनुसार आज भएको उक्त सम्झौतामा नेपालकोे तर्फबाट सैनिक जंगीअड्डा सम्भार रथी प्रभुराम शर्मा तथा चिन सरकारको तर्फबाट वाणिज्य मन्त्रालयका प्रतिनिधिले हस्ताक्षर गरेका छन् । सम्झौता गरेको कम्तिमा सात दिन भित्रमा बेइजिङमा जम्मा हुन थाल्ने जनाईएको छ ।

नेपाल राष्ट्र बैकबाट स्विकृति लिएर रकम समेत जम्मा गरिसकेको प्रबक्ता पाण्डेले जानकारी दिएका छन । यस अघि सरकारले जिटुजि प्रकृयाबाट स्वास्थ्य सामाग्री ल्यउन सेनालाई जिम्मा दिएको थियो ।

चिनबाट स्वास्थ्य सामाग्री खरिद गर्ने नेपाल ८१ राष्ट्र भएको तथा नेपाल सरकारले ल्याउने सामाग्री ३ सय ४२ टन हुने छ । चिनबाट ल्याईने सामाग्रीहरुमा पर्सनल प्रोटेक्टिभ इक्युपमेन्ट (पीपीइर्), एन ९५ मास्क लगायत ६७ प्रकारका स्वास्थ्य सामग्रीहरु रहेका छन ।

यी सबैसामग्रीहरु चिनको सरकारी कम्पनी चाइना सिनोफर्म कम्पनीबाट खरिद गरि ल्याईने छन । सामाग्री ढुवानीमा अधिकतम मितब्ययीता अपनाईने पनि सेनाले जनाएको छ । हवाई मार्गबाट सामान ल्याउँदा केहि महंगो पर्ने भन्दै सेनाले केहि अत्याबस्यक सामागीहरु नेपाल बायू सेवा निगमको वाइड बडी बिमानबाट २ खेप तथा स्थल मार्गबाट बाकी सामान ल्यउने तयारि गरेको छ ।