Sansar News
९ बैशाख, काठमाण्डौ । नेपालमा मंगलबार मात्रै ११ जना कोरोना भाइरसका नयाँ संक्रमित भेटिएका छन् ।
स्वास्थ्य तथा जनसंख्या मन्त्रालयद्धारा मंगलबार साँझ जारी विज्ञप्ति अनुसार आजमात्रै ११ जनामा कोरोना संक्रमण पृष्टि भएको हो । यो सँगै नेपालमा कोरोना संक्रमतिको संख्या ४२ पुगेको छ । ४२ संक्रमित मध्ये ४ जना निको भएर घर फर्किइसकेका छन् ।
आज भेटिएका नयाँ संक्रमित सबैजना उदयपुरका हुन् । जसमा १८ वर्षका २ जना, २०, ३३, ४०, ४१, ५२ र ५८ वर्षका पुरुष रहेका छन् भने ३६ वर्षीय र एक उमेर नखुलेकी गरेर २ महिला रहेका छन् ।
शनिबार भेटिएका उदयपुर भुल्के मस्जिदमा रहेका १२ जनाको सम्पर्कमा रहेका २६० जनाको राष्ट्रिय जनस्वास्थ्य प्रयोगशाला टेकुमा परीक्षण गरिएका नमुना मध्ये ३ जना र विपी कोइराला स्वास्थ्य विज्ञान प्रतिष्ठान धरानमा परीक्षण गरिएका ६९ जनामध्ये ८ जनाको नमुना पोजेटिभ देखिएको हो । उनीहरुलाई विराटनगरस्थित कोशी अस्पतालमा उपचारका लागि पठाइएको पनि मन्त्रालयले जनाएको छ ।
नेपालमा आजमात्रै कोरोनाका ९ जना नयाँ संक्रमित भेटिए, संक्रमितको संख्या ४० पुग्यो
वि.सं.२०७७ वैशाख ९ मंगलवार २०:३८ मा प्रकाशित
