हामी सबैकाे संसारन्यूज

११ वैशाख,काठमाडौँ । नेपाल मानव अधिकार संगठन(हुरोन) ले सरकारद्वारा हालै जारी गरेको अध्यादेश फिर्ता लिन अपील गरेको छ ।

सरकारले वैशाख ८ ल्याएको संबैधानिक परिषद् र राजनीतिक दल सम्बन्धी जारी गरेको अध्यादेश प्रजातान्त्रिक पद्धती, मूल्य र मान्यता विपरित भएको भन्दै हुरोनले अध्यादेश फिर्ता लिन अपील गरेको हो ।

प्रधानमन्त्रीले रहस्यमय ढङ्गले अध्यायदेश जारी गर्नुलाई संवैधानिक लोकतन्त्रमाथिको गम्भिर प्रहार भनेको छ । अध्यादेशले शक्ति पृथकिकरण, नियन्त्रण र सन्तुलनको संवैधानिक प्रावधानलाई लत्याएको आरोपसमेत लगाइएको छ ।

सिंगो विश्व कोभिड १९ को महामारीमा संघर्ष गरिरहेका बेला लोकतन्त्रको जगलाई नै आघात पुग्ने गरी अध्यायदेश ल्याउने कार्यको संगठन भत्सर्ना गर्दछ, अध्यक्ष महामुनीश्वर आचार्यद्वारा अपीलमा उल्लेख छ ।

अपिलमा राष्ट्रपतिले समेत हतारमा अध्यादेश जारी गर्नु उनको पदको गरिमा अनुकुल नभएको भनिएको छ ।

लोकतन्त्र नै क्षतविक्षत गर्ने यस्ता षड्यन्त्त विरुद्ध समयमै सचेत रहन लोकतन्त्र र संविधानप्रति प्रतिबद्ध सबैमा आग्रह समेत गरिएको छ ।