हामी सबैकाे संसारन्यूज

१२ बैशाख, काठमाण्डौं । नेपालमा हालसम्म ४७ हजार ४९६ जनामा कोरोना परीक्षण गरिएको छ ।  जसमा पिसीआर प्रविधिबार ९ हजार ४०७ र र्यापिड टेष्टबाट ३८ हजार ९८ जनामा परीक्षण गरिएको हो । पछिल्लो २४ घण्टामा ३ हजार ७९१ जनामा परीक्षण गरिएको बताइएको छ ।

प्रदेशको परीक्षण विवरण
त्यसैगरी ७ वटै प्रदेशमा परीक्षण गरिएको विवरण अनुसार प्रदेश १ मा ३ हजार ९२९, प्रदेश २ मा ,४ हजार ९७७ बाग्मती प्रदेशमा ७ हजार १४३, गण्डकी प्रदेशमा ४ हजार ७८३, प्रदेश ५ मा २,८७४, कर्णाली प्रदेशमा ४ हजार ८७० र सूदूरपश्चिम प्रदेशमा ९ हजार ५१३ जनामा र्यापिड टेष्ट गरिएको हो ।

क्वारेन्टाइन, आइसोलसन र रेडजोन
स्वास्थ्य मन्त्रालयका अनुसार हालसम्म देशभरीका विभिन्न ठाउँमा रहेको क्वारेन्टाइनमा १२ हजार ९८५ रहेका छन् । आइसोलेसनमा८९ जना जसमा उपत्यकामा ३ र उपत्यका बाहिर ८६ जना रहेका छन् । त्यस्तै मन्त्रालयले क्वारेन्टाइनमा राखिएकाहरुको संख्या बढ्दै गएको विषयमा सोधिएको प्रश्नमा उपत्यका र विभिन्न स्थानबाट गएकाहरुलाई स्थानीय निकायले आ–आफ्ना ठाउँमा क्वारेन्टाइनमा राखिएको हुनाले केहिदिन यता संख्या बढिरहेको जानकारी दिएको छ ।

मन्त्रालयका अनुसार आजसम्म रोडजोनमा २८७ जना रहेका छन् । पछिल्लो २४ घण्टामा ९ जना रेडजोनमा आएका हुन् । उनीहरुको कन्ट्याक ट्रेसिङ कार्य भइरहेको छ ।