Sansar News
१३ बैशाख, काठमाण्डौं । कोेरोना रोकथाम तथा नियन्त्रण उच्चस्तरीय समितिको आज (शनिबार) बसेको बैठकले आन्तरिक तथा बाह्र हवाई उडान जेठ २ गतेसम्म रोक लगाउने निर्णय गरेको छ ।
बैठकले लकडाउनका विषयमा भने कुनै निर्णय गरेको छैन यसको निर्णय मन्त्रिपरिषद्को बैठकले गर्ने बताइएको छ । लकडाउनलाई कसरी अगाडि बढाउने भन्ने विषयमा छलफल चलिरहेको बताइएको छ ।
समितिका संयोजक ईश्वर पोखरेल नेतृत्वमा बसिरहेको उक्त बैठकले दिएको सुझाव अनुसार मन्त्रिपरिषद्ले भोलीको बैठकमा निर्णय गर्ने बताइएको छ ।
चैत ११ देखि गरिएको लकडाउनको आज ३३ औं दिन पुगेको छ । सरकारले पछिल्लो पटक गरेको लकडाउनको घोषणाको अवधि बैशाख १५ गते पूरा हुँदैछ ।
वि.सं.२०७७ वैशाख १३ शनिवार १५:०० मा प्रकाशित
