Sansar News
१३ बैशाख, काठमाण्डौं । नेपालमा हालसम्म ४९ हजार ३३६ जनामा कोरोना परीक्षण गरिएको छ ।
स्वास्थ्य मन्त्रालयले शनिबार दिएको जानकारी अनुसार नमुना परीक्षण गरिएकामा पिसीआर प्रबिधिबाट ९ हजार ६६६ जना र आरडिटी (र्यापिड डाइग्नोष्टिक) बाट ३० हजार ६७० जनामा परीक्षण गरिएको छ । पछिलो २४ घण्टामा १ हजार ९४५ जनामा र्यापिड प्रविधिबाट परीक्षण गरिएको हो ।
यस्तो छ प्रदेशमा गरिएको परीक्षण विवरण
स्वास्थ्य मन्त्रालयका अनुसार हालसम्म प्रदेश १ मा ४ हजार १६०, प्रदेश २ मा ५ हजार ४४, बाग्मती प्रदेशमा ७ हजार ४६७, गण्डकी प्रदेशमा ४ हजार ८७१, प्रदेश नम्बर ५ मा २ हजार ९५०, कर्णाली प्रदेशमा ४ हजार ९७४ र सुदूरपश्चिम प्रदेशमा १० हजार २०४ जनामा परीक्षण गरिएको हो ।
क्वारेन्टाइन, आइसोलेसन र रेडजोनमा
हालसम्म देशका विभिन्न ठाउँमा रहेका क्वारेन्टाइनमा १४ हजार ७३१ जना रहेका छन् । जसमा सबैभन्दा कम बाग्मती प्रदेशमा १३१ जना रहेका छन् भने सबैभन्दा बढी प्रदेश ५ मा ७ हजार ९५६ जना रहेका छन् ।
त्यसैगरी आइसोलेनमा हालसम्म ८७ जना रहेका छन् । जसमा उपत्यकामा तीनजना र बाहिर ८४ जना रहेका छन् । साथै आजसम्म रेडजोनमा २९० जना रहेका छन् । उनीहरुको कन्ट्रयाक ट्रेसिङको कार्य भइरहेको छ ।
नेपालमा हालसम्म ४७ हजार बढीमा कोरोना परीक्षण, आइसोलेनमा ८९ र रेडजोनमा २८७ जना
वि.सं.२०७७ वैशाख १३ शनिवार १६:४७ मा प्रकाशित
