Sansar News
१९ बैशाख, काठमाण्डौं । नेपालमा शुक्रबार थप दुईजनामा कोरोना संक्रमण भएको पुष्टि भएको छ ।
संक्रमण हुनेमा रुपन्देहीका २५ वर्षीय र बाँके नेपाल गन्जका ६० वर्षीय पुरुषमा पोजेटिभ देखिएको स्वास्थ्य मन्त्रालयले जनाएको छ । उनीहरुसँगै कूल संक्रमितको संख्या ५९ पुगेको छ । जसमा पुरुष ४९ र महिला १० जना रहेका छन् । उनीहरुमा १६ जना निको भएर घर फर्किएका छन् ।
उनीहरुमध्ये रुपन्देहीमा १, नेपालगन्जमा १, भरतपुरमा १ धनगढीमा १, विरगन्जमा ८ र विराटनगरमा ३१ जनाको उपचार भइरहेको छ । उनीहरुको अवस्था सामान्य रहेको बताइएको छ ।
वि.सं.२०७७ वैशाख १९ शुक्रवार १६:४० मा प्रकाशित
