Sansar News
२४ बैशाख, काठमाडौँ । इंल्याण्ड क्रिकेट टिमका विस्फोटक ब्याट्सम्यान जेसन रोयले अष्ट्रेलियामा हुने टि-२० विश्वकप स्थगित गर्नको लागि एक कारण दिएका छन । अष्ट्रेलियामा हुने टि-२० विश्वकपको तयारीको लागि समय कम भएको भन्दै उनको टि-२० विश्वकप स्थगित गर्नको लागि सुझाब दिएका छन ।
कोरोना भाइरसको महामारीले गर्दा विश्वभरका सबै क्रिकेट खेलहरु स्थगित गरिएको छ । यदि खेलाडीहरुले टि-२० विश्वकपका लागि तयारी राम्रो सँग गर्न पाएनन भनेर र अष्ट्रेलिया जान पाएनन भने टि-२० विश्वकप स्थगित गर्दा हुन्छ भनेर उनले ईएसपीएन क्रिकइन्फोसँग भनेका छन ।
“हामी खेलाडीहरुको काम क्रिकेट खेल्ने हो । यदि टि-२० विश्व कप भएमा हामी तिन हप्तासम्म घरमै तयारी गरेर पनि विश्व कप खेल्न सक्छैँ” जेसन रोय ।
कोरोना संक्रमणका कारण इंल्याण्ड क्रिकेट र्बोडले जुलाई १ सम्मका लागि सबै प्रकारको क्रिकेट खेलमा प्रतिबन्ध लगाएको छ ।
विश्वभरमा फैलिरेहेको कोरोना भाइरसको महामारीको कारणले गर्दा अक्टुबर देखि नोभेम्बर सम्म हुने भनिएको टि-२० विश्वकप अन्योलमा परेको छ ।
वि.सं.२०७७ वैशाख २४ बुधवार ०९:५४ मा प्रकाशित
