Sansar News
२४ बैशाख, काठमाण्डौं । सरकारले लकडाउनको समय जेठ ५ गतेसम्मका लागि थप गरेको छ ।
कोरोना भाइरस रोकथाम र नियन्त्रण उच्चस्तरीय समितिले मंगलबार दिएको सुझाव अनुसार लकडाउन जेठ ५ गते सम्मका लागि थपिएको छ ।
मन्त्रिपरिषद्को बुधबार बसेको बैठकले संक्रमणको जोखिम बढ्दै गएको हुनाले लकडाउन जेठ ५ गते सम्मका लागि यथावत जारी राख्ने निर्णण गरेको हो ।
प्रधानमन्त्री निवास बालुवाटारमा आज बसेको बैठकले पाँचौपटक लकडाउनको समय थप गर्दै कोरोना संक्रमण बढ्दै गएको अवस्थामा खुकुलो बनाउन नहुने भन्दै बैठकले लकडाउनको अवधि थप गरेको र लकडाउनलाई गम्भीर भएर पालना गर्न पनि सरकारले अनुरोध गरेको छ ।
लकडाउनको समय आज ४४ दिन पुगेको छ । सरकारले पछिल्लोपटक थप गरेको लकडाउनको समय भोली २५ गते विहिबार सकिदैछ ।
वि.सं.२०७७ वैशाख २४ बुधवार १३:५१ मा प्रकाशित
