Sansar News
२४ बैशाख, काठमाण्डौं । कोरोना भाइरसले नेपाली अर्थतन्त्रमा पारेको प्रभाव बारे अध्ययन, विश्लेषण एवं देशका लागि आवस्यक दृष्टिकोण निर्माण गर्न नेपाली कांग्रेसले ‘अर्थतन्त्र केन्द्रित विशेष समिति’ गठन गरेको छ ।
कांग्रेस केन्द्रीय समितिको बैशाख १७ मा बसेको बैठकले निर्णय गरे अनुसार पार्टीका सभापति शेर बहादुर देउवाले पूर्वअर्थमन्त्री राम शरण महतको संयोजकत्वमा ‘अर्थतन्त्र केन्द्रित विशेष समिति’ गठन गरेका हनु् ।
जसको सदस्यहरुमा महेश आचार्य, ज्ञानेन्द्र बहादुर कार्की, नारायण खड्का, मिनेन्द्र रिजाल, चिनकाजी श्रेष्ठ, दिप कुमार उपाध्याय, भरत शाह, उदय समशेर राणा, डा. पृथ्वीराज लिगल, डा. शंकर शर्मा, जगदीश डा.चन्द्र पोखरेल, डा. गोविन्द पोखरेल, डा. स्वर्णिम वाग्ले रहेका छन् ।
समितिले तत्कालीन रुपमा अत्यावश्यक राहत बारे सुझाव,अल्पकालिन रुपमा आगामी बजेटको प्राथमिकता बारे धारणा र दीर्घकालिन रुपमा कोरोनापछिको अर्थतन्त्र बारे दुरगामी दृष्टिकोण निर्माण गर्ने पनि बताइएको छ ।
वि.सं.२०७७ वैशाख २४ बुधवार १४:४४ मा प्रकाशित
