हामी सबैकाे संसारन्यूज

२४ वैशाख, काठमाडौँ । चालु आर्थिक बर्ष २०७६/७७ को तेस्रो त्रैमासिक चैत्र मसान्तको अन्त्यसम्ममा ज्योती लाईफ ईन्स्योरेन्स कम्पनीले ११ करोड ५१ लाख ४२ हजार ७ सय ४६ खुद नाफा गरेको जनाएको छ । यो नाफा अघिल्लो आर्थिक बर्षको सोहि अबधिको तुलनामा १४.२९ प्रतिशतले बढी हो भने चालु आबको अघिल्लो त्रैमासिक पुष मसान्तको भन्दा ६७.११ प्रतिशतले बढी हो ।

त्यस्तै यो कम्पनीले बीमा शुल्क वापत पनि राम्रो आर्जन गरेको छ । उसले यो अबधिमा १ अर्ब १४ करोड ३२ लाख ८१ हजार ६१० रुपैंयां संकलन गरेको छ । अघिलो आ.ब.को सोहि अबधिमा उसले ५८ करोड १७ लाख २७ हजार ६९१ रुपैयां आम्लानी गरेको थियो । यो आम्दानी करिब ९७ प्रतिशतले बढी हो ।

यो अबधिमा कम्पनीले ३२ दावीको रु ८९ लाख ५९ हजार ६० भुक्तानी गरेको छ । २०७४/०३/२० मा लाईसेन्स प्राप्त गरि २०७४/०५/१९ गते देखि कारोबार सुरु गरेको यस कम्पनीले हालसम्म २ अर्ब ४४ करोड ५८ लाख ८८ हजार रुपैयाँ बीमा शुल्क वापत आर्जन गरेको छ ।