हामी सबैकाे संसारन्यूज

२४ बैशाख, काठमाण्डौं । प्रधानमन्त्री केपी शर्मा ओलीले भोली (बैशाख २५ गते) बेलुका ७ बजे घर–घरमा दीप प्रज्वलन गर्न अनुरोध गरेका छन् ।
प्रधानमन्त्रीले कोरोना महामारीका विरुद्धको लडाइमा अग्रभागमा खटिने चिकित्सक, स्वास्थ्यकर्मी, सुरक्षाकर्मी, स्वयम्सेवको सम्मान तथा संक्रमितको स्वास्थ्यलाभको कामना गर्दै दीप प्रज्वलन गर्न अनुरोध गरेका हुन् ।

‘बैशाख २५ गते विश्व शान्तिका अग्रदूत शिद्धार्थ गौतमको २५६४ औं जन्मजयन्तीका सन्दर्भमा कोरोना, महामारी विरुद्धको लडाईमा अग्रभागमा खटिरहेका चिकित्सक, स्वास्थ्यकर्मी, सुरक्षाकर्मी तथा स्वयमसेवकहरु प्रति सम्मान स्वरुप, संक्रमितहरुको शीघ्र स्वास्थ्यलाभको लागि मृत्युवरण गर्नुभएकाहरुको शान्तिको लागि बैशाख २५ गते साँझ ७ बजे दीप प्रज्वलन गरौं ।’ प्रधानमन्त्रद्धारा जारी सार्वजनिक सूचनामा भनिएको छ ।