Sansar News
३१ बैशाख, काठमाण्डौं । प्रधानमन्त्री केपी शर्मा ओलीले आज अपरान्ह सर्वदलिय बैठकको आव्हान गरेका छन् ।
पछिल्लो समय कोरोना संक्रमण रोकथाम तथा नियन्त्रण चुनौतिको विषय बन्दै गइरहेको तथा भारतले नेपाली भूमिमा गरेको हस्तक्षेपकाविरुद्धमा छलफलका लागि सर्वदलिय बैठक डाकिएको बताइएको छ ।
बैठकमा पूर्व प्रधानमन्त्री ,सीमाविद् तथा संसदमा प्रतिनिधित्व गर्ने सबै दललाई बोलाईएको बताइएको छ । बैठक अपरान्ह ४ बजे प्रधानमन्त्री निवास बालुवाटारमा बस्नेछ ।
पछिल्लो समय नेपालमा बढ्दै गएको कोरोना संक्रमणका कारण सबै क्षेत्र प्रभावित हुनुका साथै जनमानसमा त्रास फैलिइरहेको छ । मंगलबार उपत्यकामै स्वास्थ्यकर्मी र ससस्त्रका जवान संक्रमित भएको भेटिएपछि सरकारले रोकथामका लागि के कस्ता कदम चाल्ने भन्ने विषयमा सर्वलदिय बैठक बोलाएका हुन् ।
वि.सं.२०७७ वैशाख ३१ बुधवार १५:११ मा प्रकाशित
