हामी सबैकाे संसारन्यूज

‘नेपालमै बसेका युवाले खाजाखर्च कटाएर केही गराँै’ भन्ने भावनाले खोलेको संस्थासँग समन्वय गरेर पत्रकार केशवराज पौडेल र रोजन तामाङ मार्फत काभ्रेका चारवटा विद्यालयका विद्यार्थीलाई न्यानो कपडा वितरण गरेको संस्थाका कार्यक्रम संयोजक नवीन लिङ्खाले बताउनुभयो ।

चिसो बढेसँगै अस्थायी टहरामा विद्यार्थीलाई समस्या देखेपछि ग्रामीण भेगमापर्ने सामुदायिक विद्यालयका बालबालिकालाई न्यानो कपडा वितरण कार्य सुरु गरिएको पत्रकार केशवराज पौडेलले बताउनुभयो ।

‘काभ्रेका चार सामुदायिक विद्यालयका ५०० भन्दा बढी विद्यार्थीलाई न्यानो कपडा उपलब्ध गराएका छौं’ –पौडेलले भन्नुभयो । संस्थाले उग्रतारा जनागालस्थित जनज्योति मावि, महादेवस्थानस्थित श्री भवानी निमावि, मङ्गलटारस्थित भूमेस्थान प्रावि र छत्रेपिपल प्राविका सबै विद्यार्थीलाई कपडा उपलब्ध गराएको हो ।

जनज्योति माविका शिक्षक ज्ञाननाथ पाठकले पत्रकारकै सहयोगका कारण आयस्रोत कमजोर भएका परिवारका बालबालिकाले न्यानो कपडा पाएको बताउनुभयो । रासस