हामी सबैकाे संसारन्यूज

सो संस्थाको सोह्रौँ लघुवित्त अभियान एवम् शाखास्तरीय समीक्षा गोष्ठीमा नेस्डो नेपालका शाखा प्रबन्धक रामचन्द्र गौतमले दुबै जिल्लाका ११ गाविसका सो संख्याका महिला संस्थामा आबद्ध रहेको जानकारी दिनुभएको हो ।

ती महिलालाई आयआर्जनमूलक काममा संस्थाले लगानी गरेको उल्लेख गर्दै उहाँले यो संस्थामा देशैभरिका ७६ हजार महिला आबद्ध रहेका छन् भन्नुभयो । संस्थामा आबद्ध म्याग्दी र पर्वतका महिलाको रु चार करोड १८ लाख ८१ हजार बचत रहेको पनि सो अवसरमा जानकारी गराइएको थियो ।

सांसद रेशमबहादुर बानियाँले लघुवित्तले महिलाको आर्थिक अवस्थामा सुधारसँगै गरिबी न्यूनीकरणमा टेवा पु¥याएकाले अब महिलालाई सशक्तीकरण गराइ राजनीतिक सहभागिता गराउनुपर्नेमा जोड दिनुभयो । नेस्डो नेपालका संस्थापक अध्यक्ष विश्वप्रकाश प्रसाईंले लघुवित्त संस्थाले दुर्गम क्षेत्रमा पुगी विपन्नको दैनिकीमा पु¥याएको सहयोगका बारेमा चर्चा गर्नुभएको थियो ।

कार्यक्रममा महिला प्रतिनिधिले संस्थाले घरदैलोमा पुगी गरिबी हटाउन सराहनीय कार्य गरेको भन्दै आफूहूलाई सेवा शुल्कमा केही सुहलियत दिनुपर्ने माग गरेका थिए ।
कार्यक्रममा उत्कृष्ट कार्य गर्ने प्रमेश्वर महिला स्वावलम्बन केन्द्र भकिम्ली–२ डोले प्रथम, नयाँगाउँ महिला स्वावलम्बन केन्द्र बेनपा–१२ द्वितीय, रानीपँधेरा महिला स्वावलम्बन केन्द्र भकिम्ली–५ तृतीय र सरस्वती महिला स्वावलम्बन केन्द्र बेनपा–११ ले सान्त्वना स्थान प्राप्त गरेका थिए ।

यसैगरी संस्थाको सदस्य विस्तारमा सहयोग पु¥याएको भन्दै सपना रेग्मी, कोपिला जिसी, पशुपति शाही, रमिला खत्री, सीता शर्मा तथा सुमित शर्मालाई सम्मान गरिएको बताइएको छ ।

१६ वटा हिमाल देखिने ‘गुफाको डिल’ पर्यटकको पर्खाइमा
संसारकै सातौँ अग्लो धौलागिरि हिमाललगायत १६ वटा हिमशृङ्खला र ३७ गाविस देखिने पर्यटकीय एवम् रमणीयस्थल ‘गुफाको डिल’ पर्यटकको पर्खाइमा छ ।

म्याग्दीको बेनी नगरपालिका–१२ गाजनेमा अवस्थित ऐतिहासिक महत्वको जगन्नाथ मन्दिरनजिकै पर्ने सो डिल धार्मिक तथा पर्यटकीय आकर्षणका रुपमा रहेको हो ।

जगन्नाथ मन्दिर दर्शन एवम् पूजाआजाका लागि पुग्ने जो कोही पनि एकैछिन भनेर गुफाको डिलमा पुग्ने गरेका छन् ।

बेनीको शिरमा रहेको गुफाको डिलबाट नेपालकै दोस्रो अग्लो हिमशृङ्खला धौलागिरिसहित अन्नपूर्ण, माछापुच्छ«े, निलगिरि, मानापाथी, गुर्जा, गणेश हिमाललगायतका १६ वटा हिमशृङ्खलाको प्रत्यक्ष अवलोकन गर्न पाइन्छ । धौलागिरि हिमालमा मात्रै छवटा चुचुरा छन् । त्यहाँ पुग्दा आफ्नो आँखै अगाडि देखिने सेताम्मे हिमालको आकर्षणले पर्यटक तान्न आतुर रहेको आभास हुने पत्रकार प्रताप बानियाँ बताउनुहुन्छ ।

गुफाको डिलबाट हिमालमात्रै होइन म्याग्दीका ४१ वटा गाविसमध्ये ३७ वटा गाविस हेर्न सकिने स्थानीय यामबहादुर बानियाँको भनाइ छ । यसैगरी पर्वतको उत्तरी भूभाग, बागलुङ जिल्लाको केही भाग र अन्य जिल्लाको डाँडाकाँडासमेत गुफाको डिलबाट देखिन्छ ।
म्याग्दी सदरमुकाम बेनीबाट पैदल हिँडेर तीन घन्टा र गाडीमा डेढ घन्टाको समयमा पुगिने गुफाको डिल समुद्री सतहदेखि दुई हजार एक सय मिटरको उचाइमा अवस्थित छ । सो डिलमा दुईवटा हेलिकप्टर अवतरण गर्न मिल्ने ठाउँ पनि छ । उक्त ठाउँबाट सेताम्मे हिमाल र राताम्मे लालीगुराँसका वनजङ्गल देख्न पाइन्छ ।

जगन्नाथ मन्दिरदेखि पाँच मिनेटको दूरीमा रहेको गुफा डिलको प्रचारप्रसार तथा भौतिक पूर्वाधारको विकास गर्न सकेमा स्वदेशी र विदेशी पर्यटक भित्र्याउन सकिने जगन्नाथ आधारभूत विद्यालयका प्रधानाध्यापक नीलकण्ठ शर्माले बताउनुहुन्छ। प्रसिद्ध गलेश्वर मन्दिर, पौलस्त्य पुलहाश्रम र जगन्नाथ हुँदै पर्यटकीय क्षेत्र टोड्के जोड्ने पदयात्रा निर्माण गर्न सकेमा पनि पयर्टकको ओइरो लाग्ने उहाँको भनाइ छ ।

सन् १५६० मा तत्कालीन राजा दिलीपबम मल्लले भारतको उडिसा राज्यबाट जगन्नाथको मूर्ति ल्याएर मन्दिर स्थापना गरेकाले गाजने गाउँमा मदिरा उत्पादन र कुखुरापालन गर्न निषेध गरिएको किम्बदन्ती छ । मन्दिरको यस्तैखाले विशेषताका कारण पनि जगन्नाथ दर्शन र गाजने गाउँ तथा गुफा डिल हेर्न मानिस पुग्ने गरेका छन् । रासस