Sansar News
२ जेष्ठ, काठमाडौँ । राष्ट्रपति विद्यादेवी भण्डारीबाट आज शुक्रबार ४ बजे सरकारको नीति तथा कार्यक्रम पेश हुने भएको छ ।
आजै बस्ने मन्त्रीपरिषद्को बैठकले सरकारको नीति तथा कार्यक्रम पास गरेपछि अपरान्ह ४ बजे बस्ने दुवै सदनको संयुक्त बैठकमा नीति तथा कार्यक्रम पेश हुने भएको हो ।
सो सम्बन्धमा सांसद सचिवालयले आवश्यक तयारी पुरा गरेको जनाइएको छ । भौतिक दुरी कायम गरेर स्वास्थ्य संवेदनशितासहित नीति तथा कार्यक्रम पेश गर्न लागिएको नेपालको इीतहासमा यो पहिलो अभ्यास हो ।
प्रधानमन्त्री निकट एक स्रोतका अनुसार रोजगारलाई प्राथमिकतामा राखेर स्वास्थय, कृषि तथा रोजगारमुलक उद्यमलाई नीतिमा जोड दिइने छ । कोरोना महामारीले पारेको बहुपक्षिय असरलाई ख्याल गरी मुलुकमा नयाँ सम्भावना उद्घाटित हुने कुरो पनि कार्यक्रममा समावेश हुने बताइएको छ ।
वि.सं.२०७७ जेठ २ शुक्रवार ०९:२० मा प्रकाशित
