Sansar News
३ जेठ, काठमाण्डौं । नेपालमा कोरोना संक्रमणबाट मृत्यु हुने पहिलो व्यक्ति बनेकी छन् सिन्धुपाल्चोककी २९ वर्षीया महिला । उनी सिन्धुपाल्चोक जिल्ला, राम्चे, थोटनेरीकि सावित्री चालिसे रहेको आफन्तले बताएका छन् ।
स्वास्थ्य तथा जनसंख्या मन्त्रालयका अनुसार श्वास प्रस्वासमा गम्भीर समस्या भएर धुलीखेल अस्पतालमा उपचारका लागि आएकी उनको केही समयमै मृत्यु भएको थियो । यस सम्बन्धमा थप विस्तृत विवरण लिइएको र कोभिड १९ सँग सम्बन्धीत थप परीक्षण पश्चात नेपालमा कोभिड १९ बाट मृत्यु भएको यो पहिलो घटना भएको मन्त्रालयले जनाएको छ । पशुपतिको शबदाह गृहमा उनको अन्तेष्टि गरिने बताइएको छ ।
उपचारका क्रममा मृत्यु भएकी सुत्केरीको बच्चासहित आफन्तको पनि स्वाब सङ्कलन
त्यसैगरी नेपालमा हालसम्म संक्रमतिको संख्या २८१ पुगेको छ । राष्ट्रिय जनस्वास्थ्य प्रयोगशाला टेकुमा गरिएको परीक्षणमा धनुषाका २० र ६५ वर्षीय पुरुषमा संक्रमण देखिएको हो ।
उपचारका क्रममा सुत्केरीको मत्यु भएपछि धुलीखेल अस्पताललाई सिल गरियो
वि.सं.२०७७ जेठ ३ शनिवार २१:२७ मा प्रकाशित
