हामी सबैकाे संसारन्यूज

६ जेठ, काठमाण्डौं । विभिन्न सामाजिक संजाल तथा संचारमाध्यममा गुल्मीका कोरोना संक्रमित व्यक्तिको मृत्यु भएको भ्रामक समाचारप्रति क्रिमशन अस्पताल रुपन्देहीले आपत्ति जनाएको छ ।

अस्पतालले बिहानै एक प्रेस विज्ञप्ति जारी गर्दै विरामीको आइसीयु कक्षमा भेन्टिलेटरमा राखे उपचार भइरहेको जानकारी दिँदै यस्ता भ्रामक समाचारका पछि नलाग्न सर्वसाधारणमा अनुरोध गरेको हो ।

‘ पिसीआर परीक्षण पश्चात रिर्पोट कोभिड १९ आएको र तत् पश्चात विभिन्न समाचार माध्यममा यस बारे मृत्यु भन्ने गलत, भ्रामक र अतिरन्जित समाचार स्रप्रेषण भइ सम्पूर्ण जन समुदायमा अनावस्यक त्रासको वातावरण सिर्जना भएकोले यस सम्बन्धमा गलत समाचारको पछि नलाग्न सम्पूर्ण आमा बाबा, दाजुभाइ दिदीबहिनीहरुमा हार्दिक अपिल गर्र्दै निज विरामी यस अस्पतालको आइसीयु कक्षामा भेन्टिलेटरको सर्पोटमा उपचार भइरहेको जानकारी गराउँदछौं ।’ अस्पतालद्धारा जारी विज्ञप्तिमा भनिएको छ ।