हामी सबैकाे संसारन्यूज

७ जेठ, काठमाडौँ । पुष्पलाल अध्ययन समाजका उपमहासचिव मुकुन्द आचार्य नेपालको राष्ट्रिय गानलाई पनि संसोधनमा लैजान आग्रह गरेका छन् ।

२०७२/०६/०३ मा संविधानसभाबाट पारित भै जारी भएको नेपालको संविधानको धारा ९ को उपधारा (२) को प्रयोजनको निम्ति अनुसूची – ३ संसोधनको निम्ति प्रतिनिधि सभामा लैजाँदै रहेको क्रममा त्यहि धाराको उपधारा (१) को प्रयोजनको निम्ति अनुसूची– २ धाराको उपधारा (१)संँग सम्बन्धित नेपालको राष्ट्रिय गानको दोश्रो हरफ पनि संसोधन गर्नुपर्ने भन्दै उनले सरकारको ध्यानाकर्षण गराएका छन् ।

‘त्यहि धाराको उपधारा (१) को प्रयोजनको निम्ति अनुसूची- २, धारा ९ को उपधारा (१)संग सम्बन्धित –
नेपालको राष्ट्रिय गान
राष्ट्रिय गानको दोश्रो हरफ —–
“सार्वभौम भई फैलिएका मेची-महाकाली ।’ यस हरफले नेपालको सार्वभौम भौगोलिक अखण्डतालाई साँघु¥याएको उनको तर्क छ ।

यो संविधान पारित हुँदाको बखत पनि मेची नदी पारी (मेची नदी पूर्व) झापा जिल्लाको हाल भद्रपुर नगर पालिका वडा नं ३ (साविक महेशपुर वडा नं २) नेपालको भू–भाग रहि आएको थियो । त्यहाँ त्यस बेलादेखि अहिलेपनि नेपाल प्रहरीको चौकी स्थापित छ र नागरिक बस्ति छ । भद्रपुर नगर पालिकामा बनेको मेची नदीको पुलको पूर्वी हिस्सा (मेची नदी पारी) नेपालकै भूभाग हो । त्यस्तै कञ्चनपुर जिल्लाको चाँदनी र दोधारा महाकाली पारी (महाकाली पश्चिम) मा पनि बस्ती रहेको छ ।’ नेपालको सार्वभौम भौगोलिक सीमा मेची नदी र महाकाली नदी बीच भित्रमात्र सिमित नरहेको उनले बताएका छन् ।

‘तर नेपालको संविधानको अनुसूची–२ को माथि उल्लेखित हरफले यी भूभागहरूलाई अलपत्र पारेको छ र नेपालको सार्वभौम भौगोलिक अखण्डता खुम्च्याएको छ ।’ संविधानमा भएको यस किसिमको त्रुटी भविश्यमा गलापासो हुन सक्ने हुँदा उनले अहिलेको संसदले संविधानसभाले गरेको त्यो गल्तिलाई सच्यायोस् भन्ने उनको आग्रह छ ।

उनी भन्छन् ‘हाम्रो आफ्नै दस्तावेज हाम्रो निम्ति अहितकारी नहोस् । पछि सुधार गर्ने भनेर नटारियोस् । संविधानको धारा ९ को उपधारा (२) सँग सम्बन्धित अनुसूची– ३ संसोधन गर्दा सोहि धाराको उपधारा (१) सँग सम्बन्धित अनुसूची– २ बारे पनि गम्भिरतापूर्वक सोचियोस् ताकि भविश्यमा यहि हाम्रो देश र नागरिकको निम्ति गला पासो नहोस् ।’

संविधान सभाबाट हुन गएको त्यो त्रुटी यो संसदले सुधार हुने कुरामा आफू ढुक्क भएको बताउँछन् ।