Sansar News
७ जेठ, काठमाण्डौं । बुटवलको तिलोत्तमा नगरपालिस्थित क्रिमशन अस्पतालले आजफेरि दोश्रो विज्ञप्ति जारी गर्दै कोरोना संक्रमित गुल्मीका विरामीको मृत्यु नभएको जानकारी दिएको छ ।
क्रिमशनमा उपचाररत गुल्मीका ४१ वर्षीय पुरुषको मृत्यु भएको समाचार सोमबार बेलुकादेखि विभिन्न संचारमाध्यम तथा सामाजिक संजालमा आइसकेको अवस्थामा अस्पतालले यसलाई भ्रामक समाचार भएको भन्दै यसका पछि नलाग्न अपिल समेत गरेको छ ।
गुल्मीका कोरोना संक्रमितको मृत्यु भएको भन्ने समाचारप्रति अस्पतालको आपत्ति
ती विरामीको आइसीयुमा भेन्टिलेटरको सहायतामा उपचार भइरहेको र अवस्था गम्भीर रहेपनि मृत्यु नभएको अस्पतालले दावी गरिरहेको छ भने विभिन्न संचारमाध्यममा उनको मृत्यु भएको समाचार आइरहेका छन् ।
स्मरण रहोस् अस्पतालले मंगलबार पनि एक विज्ञप्ति जारी गर्दै मृत्युको समाचार भ्रामक भएको भन्दै आपत्ति जनाएको थियो ।
वि.सं.२०७७ जेठ ७ बुधवार १३:४७ मा प्रकाशित
