Sansar News
८ जेठ, काठमाण्डौं । नेपालमा कोरोना संक्रमितको संख्या ४४४ पुगेको छ । स्वास्थ्य मन्त्रालयका अनुसार पछिल्लोपटक झापा, धनकुटा र सुनसरीमा थप १७ जना कोरोना संक्रमित भेटिएका हुन् ।
मन्त्रालयका अनुसार झापाको कचनाकवल गाउँपालिकाका वडा नं ३, ६ र ८ मा १५ जना कोरोना संक्रमित फेला परेका हुन् । उनीहरु १८ देखि ४५ वर्षीय पुरुषहरु रहेका छन् ।
बीपी कोइराला स्वास्थ्य विज्ञान प्रतिष्ठान धरान र प्रादेशिक जनस्वास्थ्य प्रयोगशालामा गरिएको उक्त परीक्षणमा धनकुटाका ३४ वर्षीय पुरुष र धरान उपमहानगरपालिकाकी ५१ वर्षीया महिलामा पनि कोरोना संक्रमण पुष्टि भएको छ ।
वि.सं.२०७७ जेठ ८ बिहीवार ०८:२७ मा प्रकाशित
