हामी सबैकाे संसारन्यूज

१५ जेठ, काठमाडौँ । भारतमा कोरोना भाइरसका संक्रमितहरुको संख्या तिब्ररुपमा बढि रहेको छ । भारतमा कोरोना भाइरसबाट संक्रमितको संख्या १ लाख ५८ हजार नाघेको छ । वल्डोमिटरका अनुसार भारतमा अहिलेसम्म कोरोना संक्रमितको संख्या १ लाख ५८ हजार ८६ पुगेको छ भने संक्रमणबाट ४ हजार ५ सय ३४ को मृत्यु भएको छ ।

पछिल्लो २४ घण्टामा मात्रै ७ हजार २ सय ९३ नयाँ कोरोना संक्रमितहरु भेटिएका छन भने संक्रमणबाट १ सय ९० जनाको मृत्यु भएको जो अहिले सम्मकै उच्च हो ।

विश्वभरमा कोरोना संक्रमित संख्या ५७ लाख ८८ हजार ९ सय २८ पुगेको छ भने ३ लाख ५७ हजार ४ सय २६ जनाले आफ्नो ज्यान गुमाई सकेका छन ।