Sansar News
१८ जेठ, काठमाडौँ । वरिष्ठ वामपन्थी नेता प्रदिप नेपालले सत्तारुढ नेकपा अध्यक्ष केपी शर्मा ओली नेतृत्वको सरकारलाई ‘दलाल पुँजिपति वर्गको सरकार हो’ भन्ने निष्कर्ष निकालेका छन् ।
सामाजिक सञ्जालमा आएका जिज्ञासाको जवाफ दिँदै उनले भनेका छन् ‘मैले ठट्टा गरेको होइन के भने मेरो निष्कर्षमा यो दलाल पुँजिपति वर्गको सरकार हो । ’
‘डबल नेकपाको गौरवशाली ‘समाजवादी’ सरकारले सामुदायिक स्कुल व्यवस्थापकीय सुधारका लागि नीजि नाफामुखी विद्यालयलाई जिम्मा दिने योजनालाई बाह्रय दुनियामा कहिँ नभएको अभ्यास, क्या मौलिक ‘समाजवादी’ विचार !’ भन्दै राजनैतिक विश्लेषक श्याम श्रेष्ठको भनाइमा कमेन्ट गर्दै नेता नेपालले यो सरकारलाई पनि समाजवादी सरकार भन्न मिल्छ र ? भनेर प्रश्न राखेका छन् ।
यहि विषयमा धेरैले यो सरकारलाई समाजवादी नभएको बताइरहेका बेला प्रदिप नेपाल अरुभन्दा अघि बढेर दलाल पुँजिपति वर्गको सरकार हो भन्ने निष्कर्षमा पुगेको बताएका छन् ।
(स्मरणीय छ नेता नेपाल, तत्कालिन नेकपा माले/एमालेका स्थायी समिति सदस्यका रुपमा नेपालको कम्युनिष्ट आन्दोलनमा सक्रिय रहँदै आएका व्यक्तित्व हुन् । )
वि.सं.२०७७ जेठ १८ आइतवार १६:२३ मा प्रकाशित
