Sansar News
२७ जेठ, काठमाण्डौं । नेपालमा आज थप एकजना कोरोना संक्रमितको मृत्यु भएको छ ।
नारायण सामुदायिक अस्पतालको आइसीयुमा उपचारपछि शुक्रबार मात्र भरतपुर अस्पतालमा ल्याइएका भरतपुर महानगरपालिका वडा नं १३ का ६८ वर्षीय पुरुषको उपचारका क्रममा मंगलबार बिहान ७ बजे मृत्यु भएको हो ।
नारायणी अस्पतालमा उपचाररत उनको कोभिड -१९ संक्रमण भएको पुष्टि भएपनि शुक्रबार बेलुका ७ बजे भरतपुर अस्पतालको कोभिड आइसीयुमा राखेर उपचार गरिएको थियो ।
पहिलेदेखि सुगर, प्रेसर र मुटुको समस्या भएका उनको कोभिड १९ तथा निमोनियाका कारण आज बिहान मृत्यु भएको अस्पतालले जानकारी दिएको छ ।
उनीसँगै नेपालमा कोरोना संक्रमणबाट मृत्यु हुनेको संख्या १५ पुगेको छ । यद्यपी स्वास्थ्य मन्त्रालयको आधिकारी जानकारी भने आउन बाँकी छ ।
वि.सं.२०७७ जेठ २७ मंगलवार १०:१३ मा प्रकाशित
