Sansar News
२७ जेठ, काठमाडौँ । नेपालको संसदमा अभूतपूर्व एकता प्रदर्शन भएको छ ।
यो अभूतपूर्व एकता संविधान संसोधनका लागि भएको हो । नेपालको नयाँ नक्सा सार्वज्निक भएपछि सरकारले नयाँ नक्सा अनुसारको निशाना छाप परिवर्तनका लागि संविधान शंसोधन गर्न जरुरी भएको भन्दै संसदमा विधेयक टेबुल गरिएको थियो ।
सभामुख अग्निप्रसाद सापकोटाद्वारा विधेयकमा सर्वसम्मती भएको घोषणासँगै अब संविधान संसोधनको प्रक्रिया अगाडि बढ्ने छ । प्रमुख प्रतिपक्षी दल नेपाली काँग्रेसले पार्टी केद्रीय समितिबाटै सो निर्णय गराएको थियो भने विभिन्न बहानामा अल्झिरहेको जनता समाजवादी पार्टीले पनि संसोधनको समर्थन गरेको थियो ।
सरकारले जेठ १८ गते पेश गरेको सो विधेयकमा सबैको एकमत देखिएपछि नेपालको संसदीय इतिहासमा महत्वपूर्ण अभ्यासका रुपमा यसलाई लिइएको छ ।
प्रतिनिधिसभाको अर्काे बैठक यही जेठ २८ गते बुधबार बिहान ११ बजे बस्नेछ ।
वि.सं.२०७७ जेठ २७ मंगलवार २१:२५ मा प्रकाशित
