हामी सबैकाे संसारन्यूज

२९ जेठ, कुवेत । गैरआवासीय नेपाली संघ (एनआरएनए) एनसीसी कुवेतको महिला विभागले शेल्टरमा रहेका महिलाहरुलाई आर्थिक सहयोग गरेको छ ।

कोरोना भाइरस कोभिड १९ ले विश्व नै आक्रान्त बनाएको बेला कुवेतमा श्रमिकको रुपमा कार्यरत नेपाली महिलाहरु त्यसमध्ये पनि गर्भवती भएका र बालबालिकाका सहित नेपाल फर्किन लागेका ११ जना आमाहरु (जो आममाफी पाएर नेपाल फर्किनका लागि शेल्टरमा बसेका छन्) लाई १०० डलर (३०.२५० फिल्स) का दरले रकम हस्तान्तरण गरिएको संघले जानकारी दिएको छ ।

मध्यपूर्व महिला संयोजक सुमित्रा देवी पौडेल, एनसीसी कुवेतका अध्यक्ष सुजन केसी र महिला संयोजक रमिता तामाङले सेल्टरभित्रै पुगेर आर्थिक सहयोग गरेको बताइएको छ ।

‘यो जटिल समयमा कुवेतमा रहेका बच्चा तथा गर्भवती महिलाहरुको समस्यालाइ लक्षित गरि राहतको लागि बजेट विनियोजन गर्नुहुने गैराआवासीय नेपाली संघ अन्तर्राष्ट्रिय समन्वय परिषद महिला संयोजक भोमा लिम्बूज्यू र गैरआवसिय नेपाली संघ अन्तर्राष्ट्रिय परिषद परिवारप्रति गैरआवासिय नेपाली संघ कुवेत स–धन्यवाद हार्दिक कृतज्ञता प्रकट गर्दछ । साथै यो कार्य सम्पन्न गर्नको लागि सहयोग गर्नुहुने नेपाली दूतावास परिवारप्रति पनि एनसीसी कुवेत हार्दिक धन्यवाद ज्ञापन गर्दछ ।’ एनसीसी कुवतेले भनेको छ ।