हामी सबैकाे संसारन्यूज

काठमाडौं । नेपाल पर्यटन बोर्डले आयोजना गरेको भर्चुअल मिटिङ्गमा साईबर आक्रमण भएसँगै कार्यक्रम स्थगित भएको छ । संस्कृति पर्यटन तथा नागरिक उड्डयन मन्त्री योगेश भट्टराई बोल्दै गर्दा भएको साईबर आक्रमणसँगै कार्यक्रम स्थगित भएको हो ।

‘जुम एम’मार्फत भएको भर्चुअल मिटिङ्गको बीचमै ह्याकरले ह्याकिङ्ग गरि अश्लिल (पोर्न) भिडियो बजाएको थियो ।

सोमबार दिउँसो पर्यटनसँग सम्बन्धित सुरक्षा निर्देशिका सार्वजनिक गर्न नेपाल पर्यटन बोर्डले ‘जुम एप’मार्फत भर्चुअल बैठक आयोजना गरेको थियो । भर्चुअल कार्यक्रममा पर्यटनमन्त्री बोल्दा बोल्दै पोर्न भिडियो बजेको थियो ।

भर्चुअल मिटिङ्गमा ‘ह्यारिस’ नामको आइडीबाट भिडियो बजाइएको थियो । भिडियो बजेलगत्तै एडमिनले कार्यक्रम स्थगित गराएका थिए ।

यसैबीच २ सयजना बढी सहभागी उक्त मिटिङमा भएको साइबर आक्रमणबारे नियमनकारी निकाय नेपाल दुरसञ्चार प्राविधिकरणले अध्ययन थालेको बताएको छ । प्राधिकरणका अध्यक्ष पुरुषोत्तम खनालले ह्याकिङ्गको विषयमा छिट्टै सबै जानकारी आउने संसार न्यूजलाई बताए ।