हामी सबैकाे संसारन्यूज

८ असार, काठमाण्डौं । नेपालमा आज ५३५ जनामा कोरोना संक्रमण भएको पुष्टि भएको छ ।

स्वास्थ्य मन्त्रालयका अनुसार आज संक्रमण पुष्टि भएकामा ७४ जना महिला र ४६१ जना पुरुष रहेका छन् । यो सँगै नेपालमा कोरोना संक्रमितको संख्या ९,५६१ पुगेको छ ।

आज पुष्टि भएकामा सबैभन्दा बढी पाल्पामा ९५ जनामा संक्रमण देखिएको छ भने कैलालीमा ५८ जना,गुल्मीमा ५५ जना, सर्लाही ४७ जना, रौतहटमा ३४ जना, स्याङजामा ३३ जना, प्युठानमा ३० जना, नवलपरासीपूर्वमा २४ जना र सिराहामा २३ जना रहेका छन् ।

कोशी अस्पताल विराटनगरमा गरिएको परीक्षणमा मोरङका ४ महिला र ४पुरुष गरी ८ जना, सप्तरीका २ पुरुष, प्रादेशिक जनस्वास्थ्य प्रयोगशाला विराटनगरमा गरिएको परीक्षणमा संक्रमण पुष्टि भएकामा झापाका २ महिला र १ पुरुष, मोरङका २ महिला र २ पुरुष गरी ४ जना, गजेन्द्र नारायण सिंह अस्पताल राजविराजमा सप्तरीका ११ पुरुषमा संक्रमण पुष्टि भएको छ ।

प्रादेशिक जनस्वास्थ्य प्रयोगशाला जनकपुरमा गरिएको परीक्षणमा संक्रमण पुष्टि भएकामा धनुषाका १ महिला र ९ पुरुष, महोत्तरीका १ पुरुष, सप्तरीका २ पुरुषमा संक्रमण पुष्टि भएको छ ।

राष्ट्रिय जनस्वास्थ्य प्रयोगशाला टेकुमा गरिएको परीक्षणमा अछामका २ पुरुष, अर्घाखाँचीका २ महिला र ७ पुरुष गरी ९ जना, बैतडीका १ महिला र १३ पुरुष गरी १४ जना, डडेल्धुरामा ५ महिला र १० पुरुष गरी १५ जना, डोटीका ४ महिला र ३ पुरुष गरी ७ जना, गुल्मीका १ पुरुष, जाजरकोटका १ पुरुष, कैलालीका १ महिला र ५७ पुरुष गरी ५८ जना, नवलपरासीका १ महिला र ४ पुरुष गरी ५ जना, सर्लाहीका ८ महिला र ३९ पुरुष गरी ४७ जना, सिन्धुपाल्चोकका २ महिला, सिराहाका ४ महिला र १९ पुरुष २३ जना, स्याङजाका १ महिला र १९ पुरुष गरी २० जना, पाल्पाका १० पुरुष, प्युठानका ५ महिला र १९ पुरुष गरी २४ जना, रौतहटका १ महिला र ३३ पुरुष गरी ३४ जना र रुपन्देहीका ३ महिला र ६ पुरुष गरी ९ जनामा संक्रमण पुष्टि भएको छ ।

भरतपुर अस्पतालको प्रयोगशालामा गरिएको परीक्षणमा चितवनका ५ पुरुष, नवलपरासीपूर्वका १ महिला र १५ पुरुष गरी १६ जना, धुलिखेल अस्पतालमा गरिएको परीक्षणमा ओखलढुंगाका १ पुरुष, गुल्मीका ६ महिला र ३५ पुरुष गरी ४१ जना, पोखरा स्वास्थ्य विज्ञान प्रतिष्ठानमा गरिएको परीक्षणमा स्याङजाका १, तनहुँका १ महिला र १० पुरुष गरी ११ जना, प्रादेशिक जनस्वास्थ्य पोखरामा नवलपरासीपूर्वका ८ पुरुष, स्याङजाका २ महिला र १० पुरुष गरी १२ जनामा संक्रमण पुष्टि भएको छ ।

प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा गुल्मीका १ महिला र १३ पुरुष गरी १४ जना, पाल्पाका १५ महिला र ६५ पुरुष गरी ८५ जना, रुपन्देहीका ३ पुरुष र प्युठानका ६ पुरुषमा राप्ती स्वास्थ्य विज्ञान प्रतिष्ठान दाङमा गरिएको परीक्षणमा दाङका १ महिला र १२ पुरुष गरी १३ जनामा संक्रमण पुष्टि भएको छ ।

आज ५३५ जनामा कोरोना संक्रमण भएको पुष्टि भएको छ ।संक्रमण पुष्टि भएकामा ७४ महिला र ४६१ पुरुष रहेका छन् । आज थपिएका ५३५ जनासँग्गै नेपालमा कोरोना संक्रण हुनेको संख्या ९,५६१ पुगेको छ । जसमा ८९४ महिला र ८,६६७ जना पुरुष रहेका छन् । बाग्मती प्रदेशको रसुवा बाहेक संक्रमित भएको जिल्ला ७६ पुगेको छ ।

नेपालमा आज ४२१ जनामा कोरोना संक्रमण भएको पुष्टि, संक्रमितको संख्या ९०२६ पुग्यो