Sansar News
८ असार, काठमाण्डौं । नेपालमा कोरोना संक्रमणबाट निको हुनेको संख्या दिनप्रतिदिन बढिरहेको छ ।
स्वास्थ्य मन्त्रालयका अनुसार आज (सोमबार) पनि ३७० जना कोरोना संक्रमणबाट निको घर फर्किएका हुन् । उनीहरुमा ३२ महिला र ३३८ पुरुष रहेका छन् ।
मन्त्रालयका अनुसार आज डिस्चार्ज हुनेमा कोरोना विशेष अस्पताल दाङबाट १ महिला र ५ पुरुष गरी ६ जना, प्रादेशिक अस्पताल सुर्खेतबाट ४ महिला र २ पुरुष गरी ६ जना, कालिकोट अस्पतालबाट २ महिला र २६ पुरुष गरी २८ जना डिस्चार्ज भएका छन् ।
त्यसैगरी दैलेख अस्पताल दुल्लुबाट १९ महिला र २४६ परुष गरी जम्मा २६५ जना, सल्यान अस्पतालबाट १ महिला र ३६ पुरुष गरी ३७ जना, नारायणी अस्पताल बीरगन्जबाट २ महिला र ९ पुरुष गरी ११ जना, धादिङ अस्पतालबाट ४ महिला र १३ पुरुष गरी १७ जना निको भई डिस्चार्ज भएका छन् ।
आज डिस्चार्ज भएका ३७० जनासँगै नेपालमा कोरोना संक्रमणबाट निको भई अस्पतालबाट डिस्चार्ज हुनेको संख्या २१४२ पुगेको छ । जसमा १६१ महिला र १,१६१ पुरुष रहेका छन् ।
आज पनि १९४ जनाले कोरोनालाई जितेर घर फर्किए, निको हुनेको संख्या १,७७२ पुग्यो
वि.सं.२०७७ असार ८ सोमवार १७:४३ मा प्रकाशित
