हामी सबैकाे संसारन्यूज

९ असार, काठमाण्डौं । क्वारेन्टिनमा बसेका एक युवाले आत्महत्या गरेका छन् ।

सुदूरपश्मि प्रदेशको बझाङ जिल्लाको छविस पाथिभेरा गाउँपालिकाका ३२ वर्षे युवाले क्वारेन्टिनमै रहेको अवस्थामा आत्महत्या गरेका हुन् ।

भारतको बेंगोलरबाट असार ६ गते आउनासाथ गाउँपालिकाको मजखुरी माविमा रहेको क्वारेन्टिनमा बसेका उनले सोहि राति (आइतबार) आत्महत्या गरेका हुन् । उनी सोमबार बिहान विद्यालयको छानाको कडीमा झुण्डिएको अवस्थामा फेला परेका थिए ।

श्रीमतीलाई भारतमै छोडेर एक्लै आएका उनले के कारणले आत्महत्या गरे भन्नु खुल्न नसकेको जिल्ला प्रहरी कार्यालय बझाङका सूचना अधिकृत नेत्र बहादुर बोहोराले संसारन्युजलाई जानकारी दिएका छन् ।

बोहोराका अनुसार स्कुलको कोठाभित्र एक्लै बसेका उनी कक्षा कोठाको छानोमा पासो लगाएर आत्महत्या गरेका थिए । उनमा कोरोना संक्रमण भए\नभएको परीक्षणका लागि श्वाव संकलन गरेर प्रादेशिक जनस्वास्थ्य प्रयोगशाला कैलाली पठाइएको पनि बोहोराले जानकारी दिएका छन् ।