हामी सबैकाे संसारन्यूज

१० असार, काठमाडौँ । पाकिस्तान क्रिकेट टिम थप ७ खेलाडीमा संक्रमण पुष्टि भएको छ । यस अघि पाकिस्तान क्रिकेट टिमका ब्याट्सम्यान हैदर अली, अलराउण्डर शादब खान र बलर ह्यारिस रउफमा कोरोना संक्रमण पुष्टि भइसकेको थियो ।

राचि, लाहोर र पेशावरमा गरिएको टेस्टमा पाकिस्तान थप ७ खेलाडीमा कोरोना संक्रमण देखिएको हो । फखर जमान, इमरान खान, काशिफ भट्टी, मोहम्मद हफीज, मोहम्मद हसनैन, मोहम्मद रिजवान र वहाब रियाजमा कोरोना संक्रमण भएको भनेर पाकिस्तान क्रिकेट र्बोडले मंगलबार पुष्टि गरेको छ ।

इंलयाण्ड भ्रमणको लागि पाकिस्तान क्रिकेट र्बोडले २९ खेलाडीको नाम सार्वजानिक गरेको छ । २९ खेलाडी मध्य १० खेलाडीमा कोरोना संक्रमण पुष्टि भएपछि इंल्याण्ड भ्रमणनै अन्योलमा परेको छ ।

पाकिस्तान क्रिकेट र्बोडले आफ्नो खेलाडीहरुलाई २८ जुनमा इंल्याण्ड पठाउने निणर्य लिएको छ । पाकिस्तान क्रिकेट टिम र इंल्याण्ड क्रिकेट टिम बिच जुलाई ३० देखी ३ खेलको टेस्ट श्रृखला र ३ खेलको टि-२० श्रृखला हुने भनिएको छ ।